寒冬日常

天氣轉冷，貓家庭必嚴陣以待，貓們有乜依郁，荷包好傷㗎﹗

呢塊白色暖板甚受歡迎，幾年前買了一塊，覺得幾正，

於是在下一季想多買一塊，但遍尋不獲。

 

去年無意中在一間寵物用品店見到，更得一位顧客讓出會員價~半價購得，

今季可以有兩塊大暖板、兩塊細暖板，好夠用啦 ;)

因為貓們都係獨家村，所以要多備暖板。

這塊多由阿緇獨佔，如其他貓佔用，會被佢趕走。

呢兩位係短期用家，阿緇應在我房內.....否則佢地唔會喺度 ;P

 

 另一個好位 ~ 點點至愛

難得三隻嘢迫埋一齊

素素多蜷伏被竇，甚少伏暖板。

 

 冬曝

仲有龜仔，日日曬幾粒鐘太陽 XD

貓宴 ~ 點點

天氣稍涼，哪裏有熱能哪裏有點點 XDDD

頭盤 ~ 貓肉伴熱湯

主菜 ~ 鮮烘貓全體

小食 ~ 風乾貓肉

😆😆😆😆😆

睡死了﹖

瞓到燒Ｃ咁﹗

樣衰，但可愛 >3<

阿活

點點

英英

話說呢隻英，仍與點點水火不容，我房是其踞點。

上星期某天半夜，起身上廁所，

開門之際、矇矓之間，瞥見貓影飈出，

以為係阿活，搞掂回房關門繼續尋夢 . . . . .

未幾，聽到廳中怪叫連連，辯聲而知大鑊﹗

 衝出廳視察，英英縮進牆上貓箱中，而點點在箱外猛攻，

須臾，更二貓一箱上演困貓鬥﹗

於是向點點猛噴水、咕臣趕 . . . 一輪人貓混戰之後，亂局平定，

過了幾天才發現貓箱有尿 . . . 英英驚到瀨尿呀 ~~~ 唉﹗

諗下又覺得好好笑，平時不會隨意出房，嗰晚鬼整無端端衝出廳，

合該應此劫﹗

貓報平安

英英，冇乜好講嘞，仍然與點點隔離，最近似乎有丁點轉變：

隔住貓門相見，沒如以往一走一撲，英英好像知道，房外貓奈佢唔何，

而點點亦似明白，費事嘥力咁 . . . . .

 

 小黑鼻炎復發，放完年假，帶埋 MiMi ，一齊同醫生開年 :(

輕咗1 kg，服三星期抗生素，另每天聞氣兩次。

阿活，冇嘢講係好事 ;)

MiMi，大把嘢講 . . . >﹏<~。

長話短說：繼一直跟進的腎病、高血壓、貧血之後，

再發現佢有骨炎 (照X光後，獸醫話不肯定係炎抑或癌)，

先當骨炎醫，食止痛藥及兩個月抗生素；因為 Mi 皮包骨，後腳踭生成壓力枕，

由於長毛冚住，一直未察覺，後來硬痂脫掉，露出血肉 . . . ，

每天洗傷口、塗藥膏、紥腳﹗

然後 . . . 大約在年廿七，見佢行路舂舂下，估計視力有問題，

獸醫本來擔心因血壓高影響視力，但見瞳孔能夠縮放，

據獸醫話，貓甚少如人般患白內障，估計係老年退化；

另檢驗到佢再次嚴重貧血，又開始打補血針 (每星期一針 x 5) ﹗

 

因為 Mi 輕咗，要勤力餵食（由於鈣高 (忘了係血抑或尿) 需多食濕糧），

三小時餵一次，幸而佢都好肯食，

唔願郁，加上搵唔到路去廁所，於是又要運用定時上廁法 . . . 

佢試過瀨濕我張床褥﹗

老 Mi 十五六咯，升呢成太后罅﹗

 有備無患，加張膠布

 點點，食飽無憂米 ~

阿緇、素素，如常 ;)

寒冬一景

七福近況

呢排 “懶” 忙咁，冇同貓地影相，最近天氣轉涼，禦寒用品出場，

冬日之中，暖墊之上，他們都瞓得很舒坦，

佢地安樂，班主更安樂 XDDD

床底

 其實點點都好想窩在床底，但冇辦法，佢同英英勢成水火，

還好他頗喜歡這個 “竇” ;-)

 窗邊日光浴

呢隻藥寶寶，唔夠暖就會打噴嚏 . . .

 

素素的圍巾越來越豐厚，

如果唔係冇晒牙變咗狐狸咀，雙頰脹番尐嘅話，就真係國色咯~~~

2013年4月，素素剛到家的樣子 . . .  ;P

當日 ~

最近摷舊相，發現這幀照片 . . . 不禁唏噓一番 . . .

雖然屁對屁，然而總算有過如此親密一刻，

而家變咗仇人，每次見面都份外眼紅，一吼一撲，

英英多關在我房，那是她的安全地帶，

牠倆必須一關一放，不能相見，

每次點點在房外見到英英都衝門 (貓門，lock 咗的) ， 要將佢打鑊金咁，

WHY ~~~ 呢﹖﹗

一向各行各路，佢地係因為暖墊而勉強走在一起的 XD

近況

下面兩張相係月頭影架喇，當時臭 Mi 瞓多過郁，乾糧濕糧補品皆人手餵食，

好在佢都肯食，身體精神亦逐漸好轉，

醫生曾配 “開胃藥” ，好讓她多食一點，但有副作用：興奮﹗

見 Mi 虛弱，唔敢俾佢服此藥，怕食得過量反而不妙 . . . . . 

>>  >>  >>  >>  >>  >>  >>  >>  >>  >>  >>  >>

這兩星期，Mi 進步很快，越食越多，現在自己食咯，仲好開胃添 ^ ^*

逐步俾多尐處方濕糧，有兩日只係濕糧都食咗差不多一包，滿心歡喜 . . . . .

點知佢痾爛 Ｃ，似乎唔受得喎，唯有再調節，

處方乾糧加水打成漿溝濕糧(打漿)， 呢兩日尐大便靚返尐嘞﹗

每晚困籠聞氣一次，唔知係咪覺得舒服呢，日頭都鍾意入籠瞓 ;-)

 掛住服侍臭 Mi ，當然冷落其他貓，好在牠們都自得其樂，

哈，其實我理少咗，佢地可能覺得冇咁煩 ;P

黐人英英就有尐失落嘞，盡量叫佢、摸佢多尐。

我行我素而親民的阿活，見我得閒坐喺度就上身架﹗

阿緇呢個唔係惡樣，係見到相機緊張咋﹗

 百厭點唔鍾意人搞佢，我偏偏撩到佢呱呱叫，好好玩﹗

衰樣﹗

小黑木訥，但最近追住人後 “吖吖” 叫 . . . . .

Mi Mi 最老 (13歲)，次為小黑 (11/12歲)，趁現在齊齊整整，

記一下瑣事囉。

<<  <<  <<  <<  <<  <<  <<  <<  <<  << 

仍然記掛大黃、阿定妹妹。。。

阿定妹妹(左) (2008~2009)  與  大黃叔叔(右) (2002~2012)