年過病去

2008年2月18日上午10:58

 

過了個很不爽的年。

新年前已開始傷風咳嗽，假期後返工，在公司個鼻特別“萌”，又多野做，喉乾鼻塞，香臭不分，食不知味，搞到個人冇晒心機。看中醫飲了幾劑苦茶，現已逐漸好轉，希望今年冇病冇痛，有病都要快d好﹗﹗﹗

早排天寒地凍，貓地都密密食，大隻黃掃晒場之餘仲要“頭岳岳”想添食，唔知食滯定冷親，佢有兩三日唔食野，又嘔，頭耷耷兼步履蹣跚，成隻貓伯咁款，睇見佢個樣又好笑又擔心，幸好現已回復正常，又再做巡場貓，否則我個荷包就傷 o羅﹗

貓樹

這個貓樹暫時只有長毛Mi和小英英上去玩和伏，

小黑只在底部伏下，大隻黃冇乜理會。

高位是睇街街的好位置。

 

高﹗高﹗高﹗

ｑＫ之家仝貓鞠躬

大隻黃祝大家食得(目訓)得﹗

小英英祝各位青春常駐﹗

長毛Mi祝大家身壯力健﹗

小黑祝各位高瞻遠矚，樓市股市睇通睇透﹗

你好呀﹗太陽伯伯

太陽出來了，一齊睇街街。

新買呢張老鼠墊似乎幾得貓心。MiMi終於出櫃(果幾日凍凍，佢成日都匿在櫃中)，

佢同小黑難得走埋一堆，齊齊享受久違了的陽光。

 

 

大黃黃與小英英

小英英同大黃都鍾意追貓，但MiMi和小黑唔理佢地，黃黃與英英晚晚都你追我逐，越來越friend，而家仲坐埋一堆添。

瞓瞓．食食

電腦芒是大隻黃的新竇，進可攻、退可守，不過對住3Q，佢都係一路守一路退﹗

呢幾日凍凍，佢地密密食，咁睇落去，小黑同大隻黃的體形都像發大了，

唔知係肥左定 d 毛鬆起呢﹖

 

 

 

大隻黃最投入的嗜好

瞓啊瞓啊...zzzzzz...

關心TeaTea (我而家會叫佢阿黃，因為佢實在係隻很佬態的貓，

呢個名比較切合他的外型) 的朋友請放心，他生活得很安樂呢。