１３點

2008年3月15日上午12:18


這個女子是當年不少女孩子的偶像。
心地善良、聰明又漂亮的千金小姐，新款時裝車輪換。每當我上課無心聽書時就在課本上“練習”給她設計時裝。

那時候很想見下作者李惠珍，總覺得１３點就是她。
最近她重現江湖，在銅鑼灣一個商場辦了個小型展覽，展品有新畫的海報、拼貼、模型、公仔，舊畫冊等。下圖是她給１３點做的拼貼畫，很可愛呢，畫工仍然純熟，這位千金小姐長青不老，穿衣仍然很 in 啊﹗

周申銀(父)、魯來嬌(母)，還有老死遲姍姍和???(下圖最左邊的小肥妹，覺得有點似年輕時的肥肥)，還有不離不棄的男友畢圖士、近身媽姐阿銀(?)......

曾經擁有兩大箱的珍藏畫冊，可惜給母親強迫丟棄，真是錐心之痛﹗

作者還製作了 Dream House 的模型，她真的很喜歡手工藝和設計工作。

睇下在窗口出現的參觀者，可知比例。

不雅 ^^*

哎吔﹗藍血小淑女瞓到反晒肚，仲擺個天真儍樣，大隻黃都不欲觀呀﹗

年過病去

2008年2月18日上午10:58

 

過了個很不爽的年。

新年前已開始傷風咳嗽，假期後返工，在公司個鼻特別“萌”，又多野做，喉乾鼻塞，香臭不分，食不知味，搞到個人冇晒心機。看中醫飲了幾劑苦茶，現已逐漸好轉，希望今年冇病冇痛，有病都要快d好﹗﹗﹗

早排天寒地凍，貓地都密密食，大隻黃掃晒場之餘仲要“頭岳岳”想添食，唔知食滯定冷親，佢有兩三日唔食野，又嘔，頭耷耷兼步履蹣跚，成隻貓伯咁款，睇見佢個樣又好笑又擔心，幸好現已回復正常，又再做巡場貓，否則我個荷包就傷 o羅﹗

貓樹

這個貓樹暫時只有長毛Mi和小英英上去玩和伏，

小黑只在底部伏下，大隻黃冇乜理會。

高位是睇街街的好位置。

 

高﹗高﹗高﹗

ｑＫ之家仝貓鞠躬

大隻黃祝大家食得(目訓)得﹗

小英英祝各位青春常駐﹗

長毛Mi祝大家身壯力健﹗

小黑祝各位高瞻遠矚，樓市股市睇通睇透﹗

你好呀﹗太陽伯伯

太陽出來了，一齊睇街街。

新買呢張老鼠墊似乎幾得貓心。MiMi終於出櫃(果幾日凍凍，佢成日都匿在櫃中)，

佢同小黑難得走埋一堆，齊齊享受久違了的陽光。

 

 

大黃黃與小英英

小英英同大黃都鍾意追貓，但MiMi和小黑唔理佢地，黃黃與英英晚晚都你追我逐，越來越friend，而家仲坐埋一堆添。