沙田梅子林~西貢

1/2 約友行山，個多兩個月在家 “哺” 貓，要去郊外透透氣啊﹗

是次路線係在沙田乘小巴至黃泥頭起步，問了幾位村民才尋著正途，

經花心坑、梅子林至西貢，走的多是未填水泥的古道，有點叢林 feel，

當然荒村廢屋不少，看著不免發點幽思，想當年 . . . . . 

好喜歡這段古道，似乎甚少人為“建造” ，有原始的感覺 ^ ^

參不多到西貢時，遠處已被這株“桃花”吸引 . . .

. . . 走近細賞，村民告之係梅樹，看其粗獷的枝幹樹皮，

果然是梅不是桃 ;P

氹氹轉影咗一輪

村屋玻璃窗的反映

是次沿途無補給，只能食包食蕉飲水 . . . . 總覺不足，

到了終點西貢才下午四時許，而且腿酸疲累，

本來想光顧 Bonnie SO的餐廳，惜時維落場時間，

於是在隔鄰餐廳坐下 (幸好附近食肆不缺，因為很累不想再行了)，

估不到吃了一頓頗合意的 “下午茶” ;D

三個人，單點，冇下午茶餐，點的份量剛好，

home made 扁意粉，忌廉汁綿滑香濃，稍嫌份量略少;P

pizza 香、脆、薄，吃著賞味，並非厚厚但求填肚的貨式﹗

咖啡以 mug 上，大大杯，好抵飲 XDDD

盡 興 而 歸 

期 待 下 回 

^o^

家暴

近來諸事不順，一鑊接一鑊﹗

上星期三晚，唔知死仔點竄咗入我房，

聽到怪叫，就知係佢要撲擊英英，

平時會用椅墊隔開驅趕， 當時點點在我身邊，

一時情急，用手捉佢，豈料死仔點反口就噬落黎，好~痛~呀﹗

忍著痛把牠趕出房，才見到其中一“點”傷口血流如注，

到廁所沖水，滴出一條血路，沖了一陣冷水，血仍在流，

用冰敷才止血，手掌蒼白(可能面已青)，暈得一陣陣 . . . . .

 

塗上消炎藥膏包紥，待翌日睇情況 . . . . .

實在又腫又痛，睇醫生，俾咗兩日藥，覆診。

覆診時打埋破傷風針，再食多五日消炎藥、抗生素，又唔見一筆。

尐藥令個胃唔係好舒服，腌悶也﹗

而呢尐家暴究竟要如何處理呢﹖ 。~唉~。

近況

下面兩張相係月頭影架喇，當時臭 Mi 瞓多過郁，乾糧濕糧補品皆人手餵食，

好在佢都肯食，身體精神亦逐漸好轉，

醫生曾配 “開胃藥” ，好讓她多食一點，但有副作用：興奮﹗

見 Mi 虛弱，唔敢俾佢服此藥，怕食得過量反而不妙 . . . . . 

>>  >>  >>  >>  >>  >>  >>  >>  >>  >>  >>  >>

這兩星期，Mi 進步很快，越食越多，現在自己食咯，仲好開胃添 ^ ^*

逐步俾多尐處方濕糧，有兩日只係濕糧都食咗差不多一包，滿心歡喜 . . . . .

點知佢痾爛 Ｃ，似乎唔受得喎，唯有再調節，

處方乾糧加水打成漿溝濕糧(打漿)， 呢兩日尐大便靚返尐嘞﹗

每晚困籠聞氣一次，唔知係咪覺得舒服呢，日頭都鍾意入籠瞓 ;-)

 掛住服侍臭 Mi ，當然冷落其他貓，好在牠們都自得其樂，

哈，其實我理少咗，佢地可能覺得冇咁煩 ;P

黐人英英就有尐失落嘞，盡量叫佢、摸佢多尐。

我行我素而親民的阿活，見我得閒坐喺度就上身架﹗

阿緇呢個唔係惡樣，係見到相機緊張咋﹗

 百厭點唔鍾意人搞佢，我偏偏撩到佢呱呱叫，好好玩﹗

衰樣﹗

小黑木訥，但最近追住人後 “吖吖” 叫 . . . . .

Mi Mi 最老 (13歲)，次為小黑 (11/12歲)，趁現在齊齊整整，

記一下瑣事囉。

<<  <<  <<  <<  <<  <<  <<  <<  <<  << 

仍然記掛大黃、阿定妹妹。。。

阿定妹妹(左) (2008~2009)  與  大黃叔叔(右) (2002~2012)

龍躍頭文物徑～流水嚮水塘 (下)

此行掛住試雙重曝光，所以冇乜影風景，

在書本見人影得好型好靚兼有意境，抽起條筋試下﹗

此技古已有之，菲林時代算比較 “困難”，拍攝時要計算準確，否則好嘥菲林架﹗

現在的數碼攝影就方便得多，可以亂搞一通兼即知效果﹗

用菲林玩多重曝光，只要唔拉菲林，理論上可以在同一格菲林無限叠影，

我所用的中階數碼機只能叠 2-3 張，呢日只試雙重曝光，

三重曝光在設計、對位方面更難掌握 ;P

總係計唔掂曝光條數，遑論設計、意境 . . . . . :'-(

劣品都記之，以為記錄﹗

有冇覺得暈暈地﹖;DDD

流水嚮水塘

據村民說，呢尐叫樹豆，可食用，似枝豆。

下次再接再厲 ﹗

龍躍頭文物徑～流水嚮水塘 (上)

因為老Mi，整個十二月都忐忑不安，假期都窩在家裏湊貓，

踏入新一年，希望人們、貓們都身體健康，荷包常滿﹗

係時候舒心鬆筋嘞 ;-)

上星期日 (11/1) 約了友人漫步 >龍躍頭文物徑<，大休於流水嚮塘。

由粉嶺火車站起步不遠，已見到一幅一幅綠油油的菜田，

遠處大廈是粉嶺中心。

 

龍躍頭文物徑是政府於新界設立的第二條文物徑。

. . . . . . 於1999年12月4日正式開放。 

龍躍頭位於新界粉嶺聯和墟東北面，因該處有山名龍躍嶺，

自古相傳，有龍跳躍其間，因而得名，俗稱龍骨頭，亦稱龍嶺。 

歷經數百年的繁洐，發展成今日的五圍六村。 . . . . .

五圍即老圍、麻笏圍、永寧圍、東閣圍（又稱嶺角圍）及新圍（又稱覲龍圍）；

六村即麻笏村、永寧村（又稱大廳）、祠堂村、新屋村、小坑村及覲龍村。

. . . . . 龍躍頭現時仍保存不少典型的中式傳統建築，如松嶺鄧公祠及天后宮等，

而區內的圍村，如老圍及新圍等，其圍門及圍牆甚至村內部分民居至今仍保存原來風貌。

(資料：古物古蹟辦事處網頁)

沿途都走水泥路，輕鬆易行，而且每村皆有乾淨公廁，

遺憾的是一路是村屋住宅，沒有補給，

當日天氣清涼，如能吃一頓熱食就完美了﹗

 

十分肥壯的枸杞田

幸。。。

救回 Mi 的老命，見佢精神轉旺，心寬之際，

佢雙目狀況竟然轉差，眼內黏膜發炎紅腫，左眼角膜更含膿，

心情再陷谷低，馬上約見醫生。

 MiMi 曾歷角膜潰瘍，這次遇上病體潺弱，致病毒肆虐，

醫生把話說在前頭：如繼續惡化，或要摘除眼球﹗

晴天霹靂，不禁 . . . 倒抽一口涼氣 >.<。

轉眼藥並加服抗病毒藥之後，情況明顯好轉，至此才下心頭石﹗

餵腎糧之餘 (腎糧味淡，她不會自己食)，MiMi 亦自行埋兜飲食，

步履也比前輕快，這是最大的欣慰，醫生話其腎功能不算太差，

而且年紀大啦，由得她喜歡食乜就食乜啦 (我都係咁諗)，

希望盡快養肥尐，好作往後的治療﹗

主要餵腎糧，普通乾糧當係點心啦 ，吃得特別暢快 ;P

唔再合埋眼、眼神精靈咗 ^ ^*

呢排佢喜歡瞓呢個兜

同場加映：

咦，望咩嘢呀 ~ Mi ﹖

就係呢兜 . . . . .

弟婦買作邊爐料 . . . . . 劏咗都咁生猛 ﹖﹖﹖ :'-(

同場再加映：

摷得相機黎，差不多隱於山後﹗