汕尾廢墟尋美 ~ 花絮(上)

3月7~8日，阿 sir 有攝影班外影實習，朋友為學員之一，

於是我又掹衫尾去. . . . . 汕尾玩兩天 ^ ^

諗住抄相入腦，誰知讀卡器有問題，

它讀過之後，電腦讀不到其中一張卡的資料，照片消失了﹗

唯有交給同事重整，睇下救唔救得番 :-(

PO 尐花絮先啦 。。。

3月7日早上 7:30 在深圳集合，乘搭 8:20 的長途巴士往汕尾，

兩個小時就抵埗，非常快捷。

我們包了一架小巴，先到酒店 check in

因為女生人數單丁，朋友與另一位學友唔想一個人住，

所以我獨霸大房，Very Good ~

但佢地住嘅房仲大喎，係家庭房，

兩房兩廁一大廳，其中一房係套房，還有露台。

佢地其實唔想一人一房，唯有打開門瞓 ;P

我地唔係住(車立)呢邊，冇咁好景

放下行李後，時惟十一時許，醫肚去 . . . . .

阿sir係熟客，阿姐好好招呼 ;-)  都係食粥、粉、麵、腸粉。

右下角係豬腳，已去骨切件，好味，但唔腍唔化，咬到口攰 ;P

翌日的早餐都係呢處。

先到呢間祠堂，裏面有尐舊嘢影下架

下一站 . . . 唔記得邊處咯 ;P

我們這兩天所到之處皆人烟稀少

風車島

海灘上有三架風車，所為何用則不得而知咯

 

十分大風，吹到頭都甩，又凍 . . .

晚飯打邊爐，尐料麻麻地，但煲臘味飯好好食，連盡兩大碗，

仲想添架，但實在撐不下，還有一種叫 “天地壹號” 的蘋果醋飲料，幾好飲喎﹗

飯後有人去按腳，我和朋友明早三時半起床，四時出發去漁市場，

所以早抖去 . . . . .

無聊記食 (八九十月2014)

去年的事咯，摷番尐相記錄下囉  ^ ^

各位唔好客氣，隨便~睇~飽尐 ;P

某日午飯，在灣仔，此店出品有水準而價錢合理，間中去幫襯。

某日在葵芳某商場，之所以出現在葵涌，咪係上生態協會聽嘢囉。

其會址在葵興，工廠區，食肆多為茶記，

城市混人總免不了攢商場，於是早一站下車，只圖坐得舒服少少 ;P

可自選麵包和醬，必選法包和蕃茄醬；

主菜牛仔骨味道不俗，但韌咗尐，食完牙骹有尐攰 o;O

 油麻地橫街某小店，貪其靜局 . . . . . 可能太靜 . . . 最近消失了 :-(

 與細佬一家食韓日燒自助餐，

食物都算豐富，百多元一位，見價知貨， 旨在湊熱鬧。

尖沙咀某日式麵館

某周末的 brunch，餐廳在我區的市中心，不時光顧。

某天的外賣午餐 ^ ; ^

同一店的外賣午餐

公司附近的中式餐廳，午市供應套餐，都唔錯，

行過有位才幫襯，不會訂位。

入秋是栗子當造時，總會試下栗子甜品。

喜歡吃泰式食物，尤喜泰式蝦刺身，

那碗濃而色深的是 . . . 甚麼鴨粉，太耐，忘了 ;P

Mi 近況

上次覆診時驗血，HCT指數(講完都唔知係乜)更比上一次略低，

於是醫生建議打補血針，由於 Mi 的血壓偏高，

打補血針有風險，三針之後要覆診量血壓。

年初三帶她覆診。

HCT指數正常了 ，鼻頭舌頭都紅潤了，結果是血壓比上次更高，

醫生提出兩個方案：

1/ 繼續打補血針，但要服降血壓藥 (一開始之後要終生服用)；

2/ 建議暫停補血針 (尚有三針未打)，一個月後覆診再作後話。

不想她食太多藥，我們都同意用第2方案。

Mi 的磅數無增減 (2.94 kg)，醫生話冇繼續跌已屬好事。


聞氣藥用完，停之 . . . . .

但 Mi 逐漸噴嚏頻密、喉鼻哼哈有聲兼噴杰撻撻鼻涕，同時精神漸遜 . . .

看來她要長期聞氣 . . . . . 趁覆診之便，補給聞氣藥。


眼藥水差不多用完，醫生話完藥後可以暫停，觀察雙眼情況再作打算。

Mi 而家幾精靈，相機對住佢就扮 lam 毛，郁身郁勢 . . .

眼仔碌碌 ~ 難以想像兩個多月前，幾乎全隻左眼含膿的景況，

希望真係康復，不用再滴眼藥水啦。= _=

其實呢種眼潰瘍(尤其扁面貓易出這毛病)在身體差時會很易復發的. . . . .

居高臨下，睥睨眾貓  ^ v ^

出力抓抓 <3

為咗食，可以 . . . 面對兩隻“惡”貓 ;P

其實隻隻都好重視晚餐的，為免殃及池魚，餘皆遠離是非之地 . . . .

旁觀雙惡講手，其他遠觀 XD

晚餐就緒，衰仔點急不及待 . . .  ^0^

Mi 不會衝門，佢企定呢個位食嘢(只在晚餐時)，

如果擺個兜去另處，佢會不知所措兩頭騰，好好笑架 XDDD

牙患

小黑、MiMi之後，輪到阿活 ~ 打我荷包 。~>-<~。

跟阿活親近時，聞到有 ~ 味喎 ，而且見佢密密 lam 咀 . . . . . 

唉﹗不 可 以 逃 避 ~~~ 又約期去探下三隻駐場貓啦 @_@"。

醫生檢查後，認為牙患嚴重，長痛不如短痛，建議只保留犬齒，

趁機請醫生幫佢剪埋甲，因為在家係唔可能剪到的 ;P

手術安排在年廿九(17/2)，為安全計，

當日手術前，決定驗血 (醫生冇話一定要驗) 確定身體狀況是否適合麻醉，

順便當作一次驗身啦，驗血報告幾靚仔，手術亦順利完成。

接佢時，醫生俾番尐牙我睇下 . . . :-(

醫生逐項解釋驗血報告，聽完之後都唔記得邊樣打邊樣咯，

總之結果係中欄黑點就安心，

右欄紅點 (左欄會係藍點，表示指數偏低) 係由於有發炎而致的暫時偏高現象，

非大問題。

醫生開了止痛藥和抗生素 (以備不時之需：如聞到口臭就要服抗生素)，

阿活十分醒目，只要心念一動(餵藥)，佢已經無影無踪，

止痛藥只餵了一次 (用針筒滴一小滴在牙肉，但好似都俾佢揈走咗)，

見佢生生猛猛，胃口正常，冇再迫佢食藥嘞，

餵咗幾日濕糧，而家食乾糧都冇問題，

家中又多一隻冇牙貓 . . .

本來年廿九放假一天辦年貨，卒之又要搞到舟車勞頓，一仆一碌﹗

。

。
。

活呀 ~~~ 希望你有生之年都要精神爽利，冇病冇痛啊﹗

南涌郊遊開運行 (下)

。

。

。

行行重行行，又見幽篁 ;-)

路上見到不少野生吊鐘，可惜已到荼(微) (?)

明年新歲前再來，想必有一番燦爛景致 . . . . .

 

 途經 > 屏南石澗 <。

(此澗位於粉嶺鹿頸，為香港九大石澗之一，水源自屏風山，流向南涌，因而得名。)

夏天水量充沛時， 水勢洶湧，為溯澗者的樂園；

此澗亦具特有的地理特徵：壺穴。

壺穴是在河流上游經常出現的一種地理特徵。由於雨水令河水流量增加，帶動上游的石塊向下游流動，當石塊遇上河床上的岩石凹處無法前進時，會被水流帶動而打轉，經歷長時間後將障礙磨穿，形成一圓形孔洞，稱為壺穴。
漩渦狀水流，更加速壺穴的挖掘與形成。急流或瀑布流水自由落體的撞擊，亦可產生壺穴，所謂滴水穿石，可產生圓柱狀甚至鑿穿岩塊而形成如管狀的壺穴。而平流的水流或海流於懸崖或河道轉彎處可能改變成擾流，漩渦水流的挖鑿亦可能形成懸崖峭壁或河岸岩壁的壺穴。
＜維基百科＞

壺穴

壺穴

石澗的另一邊

一路 hea行，差不多五點咯，要抓緊時間，加快腳步 . . . . .

終點﹗

在行出鹿頸乘小巴到粉嶺火車站時，途經一花圃，

應該係私人興趣打理，籬笆上橙紅的炮杖花，就是熱鬧喜慶 ;-)

波斯菊 . . . 見此，城市混人不免大大羨慕一番 ;P