高清天氣吐露行

星期六 (13/6) 第一堂單車入門班之前，

已約定高手R一起踩一轉以作練習。

昨天 (15/6) 專誠放假一天，踏上人生首次 “長途” 之踩 . . . ;P

十時在大埔墟租車出發，沿吐露港公路單車徑到沙田 . . . . .

沿途大多是筆真寬闊的水泥路，間中要上落斜過隧道，

正合初哥練習。

是日天氣晴朗，藍天白雲，雖然氣溫高達攝氏33度，但濕度只有6x%，感覺清爽；

做足防曬 (闊邊帽、長袖衫加黑超及充足冰水)，也不覺辛苦 XD

 視野良好，在涼亭小休望去吐露港，山青水綠天藍，心曠神怡﹗

 科學園。

偌大的園地 ~ 不准踏單車﹗

風景優美，有不少樹蔭可稍歇 . . .

 

 天空之鏡﹖

沙田富豪花園

下午一時許到達沙田，係時候大休啦，

坐了個多小時，算是稍避日正當空的曝曬 . . . . .

 

嘆完就回程 . . .

最近是阿勃勒的花期，金黃的花瓣，像天空灑下的黃金雨 <3

阿勃勒花

 歸途

返回大埔墟還車已五時許，

散 band 前，搵個地方消暑散熱兼計數，整天消費 98元 ;-)))

呢日踩得非常愜意，亦非常抵玩，單車每位30元，

還車時同阿伯謦咗幾句，佢話業主收舖，做到八月底就走嘞，

佢隔離的單車舖要八、九十元，假期甚至要一百元一日﹗

希望在這兩個月可以再走多一轉 . . . . . ;-(

踩車

整個五月的大部分日子都係烏天黑地，間有暴雨，心情甚為腌悶，

睇劇亦睇到迷迷懵懵，係時候離開平板，會一會太陽伯伯，醒一醒神.....喇 ;P

一直想學好踩單車，惟限於資質，屢試失敗，甚至 . . . . . :'-(

每見別人踩車四周圍去，總覺得很自由、很爽，十分羨慕，

於是報了 “單車入門” 班，開課前，先練習一下吧，請來高手 R 陪踩。

上個月都踩過一次，由於心怯怕跌，雙手死握把手，致雙臂痠軟萬分 . . . . .

十時，上水天平邨出發 . . .

上水梧桐河邊，有寬闊車路卻甚少車和人，是很好的練習場，而且風景不俗。

東江之水越山來

 遠處幾隻怪獸有乜搞作﹖

車泊樹蔭下，否則不出一分鐘已經熱到 “辣” pat pat ;P

是日天氣甚佳，藍天白雲，太陽雖猛卻時有清風送爽 . . . . .

不過 . . . 確係幾熱幾晒 ~ 架﹗

黎到邊境啦 . . . . 

 

中場休息時，幫襯豆腐舖，10元任飲任食豆漿豆花，灌咗三碗漿半碗花 (忘了影相);P

此店為單車友聚腳小休熱點 。

一時許，在就近士多食咗餐高鹽、高鈉、高糖的晏仔﹗

在高溫曝曬之後，躲進冷氣間，灌一支清涼(不夠冰凍)可樂，

的確令人神清氣爽 (鼓掌)

回程時，R 發現我部車的前轆爆了軚，可我卻烏烏下，竟渾然不覺，

於是交換單車，R 的車略高，要適應一下才勉強應付。 ;P

是日的練習，似有些微進步，起碼手腳冇乜痠痛 ^;^

四月踏青

最近搭上“煲劇”列車，搞到無心卜務 、園地幾近荒廢. . . . . ;P

。

。

。

久違十年，4月6日至10日回鄉 (家母的鄉下) 掃墓。

與阿姨、表妹、舅父同行，作先頭部隊，

在旺角乘長途巴士直達丹灶市，當日算快，需時兩個半鐘。

到埗正值午飯時間，就在車站對面飯館將就一餐。

齊人才掃墓，有兩日時間閒逛，

呢群鍋耳屋，久別無恙。

逛市場

宿於舅父的鄉間 “大屋” . . . . 今年所見，

舅父的同村兄弟都起了更大的屋，設備更現代化，一戶最少有兩部汽車 . . .

由天台望去，當年的漁塘、田畝已無影踪，

高鐵天橋横亘眼前。

等齊人才掃墓，有兩天時間閒逛

又一餐

4月8日齊人啦，出發。

先去太婆處

室內躹躬，室外拜祭

聞說明年起不准燒衣

然後上山拜外婆

下山

燒埋炮杖，大功告成﹗

印象中的西樵大餅又甜又吸口水，素無好感，

但今次食落竟覺幾好食喎，中間仲有尐 cream，

可能隨著時代轉變改良了，明年要買多幾個食下 ;-)

餐餐都大魚大肉，其實個個年紀唔細，更有老人家，

我地 “後生” 的都盡力而食，每餐仍然有餘有剩，呢尐浪費習慣幾時可以改掉呢﹖

康有為故居展覽館 . . . 走馬看花

聚

緣起二十六年前一宗震驚世界的事件，

來自五湖四海的人走在一起，聽課、搞活動、搞會務 . . . . .

經過一段日子後，各奔前程，惟關心時政的心沒變。

不經不覺，大家都長了年歲，有的兒女已長大成人，

有的已過著退休生活(其實還沒“登六”)，浪遊世界，賞美景、嚐美食，

令我這個在職人士 . . . . . 流晒口水，引頸以待 ;P

託社交群組之便，我們成為酒肉朋友了﹗ ;DDD

昨晚在其中一位朋友的家聚會，她的家闊落吖嘛 ;-)

餐前小食

 有好酒之人， 每次必備 . . . . .

其中一款

打邊爐

飽食之後，由朋友的老公洗碗，哈哈﹗

每人科款 $95，酒不計，因為各有帶酒，我冇帶，賺咗﹗

 

今朝的 FB 截圖。

昨晚斟完飲、飲完斟，十一個人飲了七支，另有兩支大啤，

我冇飲啤酒，七支中有汽酒、紅酒、梅酒，乜都飲尐，

好耐沒試過如此盡興了﹗

席間提起年尾再召集食大閘蟹和蠔喎 ;P