皇后旅館

2007年3月1日下午3:59

前兩年參加了一個攝影課程，斷斷續續都讀左一年。其間有outing，阿Sir帶我地過大海，在這間旅館影D懷舊野，我地五六個人，每人要俾10元／20元(?)老闆娘先有得登堂入室，仲要“A”左一輪至免為其難俾我地上樓，還派個阿伯全程(目及)實。

在這間旅館附近曾有間五洋大酒店，是<胭脂扣>的拍攝場地，二十年前誤打誤撞(其實俾人賣豬仔)去到那裏，當時酒店內尚留有些少道具。回想起都有D後悔沒有好好參觀一下。

話說當年託了個朋友嘅朋友的母親替我地班友預訂酒店(已預先科款)，朋友話伯母熟地頭喎。點知去到一睇，真係晴天霹靂，阿伯母就o係賊船，斷估搵到佢都冇用，已付的訂金就.....。 果度真係幾舊，條木樓梯仲“搖搖up”，D木地板行起黎“ee”聲，我本來冇所謂，但有朋友就驚到腳軟，惟有撤退，成班人周街搵左成晚先搵到間房仔，得張 雙人床，點招呼到七八個人﹖於是有幾個抵得諗嘅(包括我)唯有出街飲下野蒲通宵，換轉而家就唔好搞o勒，呢件事令我好難忘，於是(手巢)番出黎講下古咁啦﹗

彌月之喜

2007年1月31日下午10:51

侄兒上個星期滿月了。親戚四圍酒，聚一聚。

侄兒回家了

2006年12月24日下午9:34


  快D畀我食飽，趕住搵周公呀﹗

    

新生

2006年12月20日下午10:04

侄兒出世了。
家母終於交出成績，在親戚面前唔使“頭耷耷”啦﹗

冬戲

平日早出晚歸，很少機會見到佢地玩，假期配合了陽光普照的天氣，貓們似乎心情大佳，互相扭打追逐，看著她們玩鬧、洗日光浴，逗得我這個大Q開心不已，一個人對著她們也情不自禁哈哈大笑﹗

難怪有人提議一些病患者飼養小動物幫助治療，但我認為前提是當事人必須喜歡小動物，否則適得其反，而且苦了小動物。

冬曝

貓真係識嘆，最鍾意矖太陽，涼涼的天氣，暖暖的陽光...Wow...﹗

新天星碼頭

2006年11月27日下午3:00

昨晚因為送船尾，所以在新的天星碼頭逛了一圈。
三層高的建築只設有升降機，沒有扶手電梯。樓內有不少吉舖待租，估計這一帶與IFC將會連成一個消費區，這些都在政府的規劃之內，方便大家使錢o麻。除非那裏是行人專區，否則人車漸多，咪又要填海“紓緩交通”﹖現在往尖沙咀的船程更短，泊岸亦比較“拋”。
由於碼頭仍未完工，只有一條行人通道出大路，若有來往離島的船同時落客就會較擠擁，天星碼頭多遊客，他們都“慢”步瀏覽，對我們這些趕船出入的離島人就不大暢順了。
在新碼頭的H字頭雪糕店買了個雪糕，是新味道無花果，帶點酒味，很好吃，過一段時間再食過，始終係貴野o黎。

 為何要用復古設計﹖我覺得用現代建築更好，因為用上目前的想法和物料，反而可在未來留住 現在這個時空。例如尖沙咀鐘樓，它的外貌和物料都是從前的，看上去就感覺到古舊的味道。 維多利亞時代(﹖)的外貌卻用了廿一世紀的混凝土、油潻等，就是不搭調。





 這是給我們“憑弔”的舊天星碼頭照片。