Mi 近況

上次覆診時驗血，HCT指數(講完都唔知係乜)更比上一次略低，

於是醫生建議打補血針，由於 Mi 的血壓偏高，

打補血針有風險，三針之後要覆診量血壓。

年初三帶她覆診。

HCT指數正常了 ，鼻頭舌頭都紅潤了，結果是血壓比上次更高，

醫生提出兩個方案：

1/ 繼續打補血針，但要服降血壓藥 (一開始之後要終生服用)；

2/ 建議暫停補血針 (尚有三針未打)，一個月後覆診再作後話。

不想她食太多藥，我們都同意用第2方案。

Mi 的磅數無增減 (2.94 kg)，醫生話冇繼續跌已屬好事。


聞氣藥用完，停之 . . . . .

但 Mi 逐漸噴嚏頻密、喉鼻哼哈有聲兼噴杰撻撻鼻涕，同時精神漸遜 . . .

看來她要長期聞氣 . . . . . 趁覆診之便，補給聞氣藥。


眼藥水差不多用完，醫生話完藥後可以暫停，觀察雙眼情況再作打算。

Mi 而家幾精靈，相機對住佢就扮 lam 毛，郁身郁勢 . . .

眼仔碌碌 ~ 難以想像兩個多月前，幾乎全隻左眼含膿的景況，

希望真係康復，不用再滴眼藥水啦。= _=

其實呢種眼潰瘍(尤其扁面貓易出這毛病)在身體差時會很易復發的. . . . .

居高臨下，睥睨眾貓  ^ v ^

出力抓抓 <3

為咗食，可以 . . . 面對兩隻“惡”貓 ;P

其實隻隻都好重視晚餐的，為免殃及池魚，餘皆遠離是非之地 . . . .

旁觀雙惡講手，其他遠觀 XD

晚餐就緒，衰仔點急不及待 . . .  ^0^

Mi 不會衝門，佢企定呢個位食嘢(只在晚餐時)，

如果擺個兜去另處，佢會不知所措兩頭騰，好好笑架 XDDD

牙患

小黑、MiMi之後，輪到阿活 ~ 打我荷包 。~>-<~。

跟阿活親近時，聞到有 ~ 味喎 ，而且見佢密密 lam 咀 . . . . . 

唉﹗不 可 以 逃 避 ~~~ 又約期去探下三隻駐場貓啦 @_@"。

醫生檢查後，認為牙患嚴重，長痛不如短痛，建議只保留犬齒，

趁機請醫生幫佢剪埋甲，因為在家係唔可能剪到的 ;P

手術安排在年廿九(17/2)，為安全計，

當日手術前，決定驗血 (醫生冇話一定要驗) 確定身體狀況是否適合麻醉，

順便當作一次驗身啦，驗血報告幾靚仔，手術亦順利完成。

接佢時，醫生俾番尐牙我睇下 . . . :-(

醫生逐項解釋驗血報告，聽完之後都唔記得邊樣打邊樣咯，

總之結果係中欄黑點就安心，

右欄紅點 (左欄會係藍點，表示指數偏低) 係由於有發炎而致的暫時偏高現象，

非大問題。

醫生開了止痛藥和抗生素 (以備不時之需：如聞到口臭就要服抗生素)，

阿活十分醒目，只要心念一動(餵藥)，佢已經無影無踪，

止痛藥只餵了一次 (用針筒滴一小滴在牙肉，但好似都俾佢揈走咗)，

見佢生生猛猛，胃口正常，冇再迫佢食藥嘞，

餵咗幾日濕糧，而家食乾糧都冇問題，

家中又多一隻冇牙貓 . . .

本來年廿九放假一天辦年貨，卒之又要搞到舟車勞頓，一仆一碌﹗

。

。
。

活呀 ~~~ 希望你有生之年都要精神爽利，冇病冇痛啊﹗

南涌郊遊開運行 (下)

。

。

。

行行重行行，又見幽篁 ;-)

路上見到不少野生吊鐘，可惜已到荼(微) (?)

明年新歲前再來，想必有一番燦爛景致 . . . . .

 

 途經 > 屏南石澗 <。

(此澗位於粉嶺鹿頸，為香港九大石澗之一，水源自屏風山，流向南涌，因而得名。)

夏天水量充沛時， 水勢洶湧，為溯澗者的樂園；

此澗亦具特有的地理特徵：壺穴。

壺穴是在河流上游經常出現的一種地理特徵。由於雨水令河水流量增加，帶動上游的石塊向下游流動，當石塊遇上河床上的岩石凹處無法前進時，會被水流帶動而打轉，經歷長時間後將障礙磨穿，形成一圓形孔洞，稱為壺穴。
漩渦狀水流，更加速壺穴的挖掘與形成。急流或瀑布流水自由落體的撞擊，亦可產生壺穴，所謂滴水穿石，可產生圓柱狀甚至鑿穿岩塊而形成如管狀的壺穴。而平流的水流或海流於懸崖或河道轉彎處可能改變成擾流，漩渦水流的挖鑿亦可能形成懸崖峭壁或河岸岩壁的壺穴。
＜維基百科＞

壺穴

壺穴

石澗的另一邊

一路 hea行，差不多五點咯，要抓緊時間，加快腳步 . . . . .

終點﹗

在行出鹿頸乘小巴到粉嶺火車站時，途經一花圃，

應該係私人興趣打理，籬笆上橙紅的炮杖花，就是熱鬧喜慶 ;-)

波斯菊 . . . 見此，城市混人不免大大羨慕一番 ;P

南涌郊遊開運行 (上)

近年在農曆年假時，約到腳的話，會遠足行山，

肚腸精神熱鬧了幾天，到郊野走一走，的是心曠神怡、精神爽利，

亦消耗一點積聚下來的卡路里 . . . ;P

10:30 am 在粉嶺火車站乘 56B 小巴至丹竹坑下車。

由於缺乏指示牌，即使手執地圖，亦要詢之村民：南涌郊遊徑入口何往﹖

在村裏兜轉搵路時，順便“睇屋” ，見到栽花庭園，又要睇下、影下相。

 

呢間似乎係荒廢了的 ~ 紅酒舖 ~ ﹖

經過另一村屋，皮蛋缸裏有棵吊鐘花喎，

於是又影咗一陣 . . . . .

終於到了入口，正式起步﹗

步 步 高 陞 ^ ^

上完一輪斜路石階已過了下午一時，於是醫肚兼減磅 ^ ^

知道這段路頗有上落，帶備行山杖，減輕膝哥負擔。

路碑指示，此路通八仙嶺，高難路段，此生不會再踏足了。

翌日知道有人在八仙嶺捕獲了野生發哥，

即係 . . . . . 我們差一點也 . . . . . 哈哈哈﹗

 繼續走我們的南涌郊遊徑去 ~

 所剩無幾的舊路碑

。

。

。

花開燦爛喜氣揚

是日開工大吉，祝大家身心康泰，事事順心﹗

過年唔少得 。。。

雖然現今的過年氣氛不及當年細路時，但每到除夕前一星期，

市面總會比較熱鬧，仍有一點點急景殘年的景象。

年紀越大越有隨俗之心，在年廿九放了一天假，趕辦年貨，尤其要買定餸菜，

攢盒之內涵早一星期已備妥，家中的都是乾果，

為了應酬小鬼們，今年另備小攢盒放些糖果。

滿街都是年花，敗家人之手怎忍得了﹖於是鈔票都長出翅膀 . . . . .

大型花市逼迫擠擁，所以每年只在家居附近的小型花市入手。

必備水仙花 ~ 愛其花團錦簇散芬芳，豐盛又清雅 <3

今年係首次插桃花，以前老豆獨喜吊鐘，家裏從未以桃花賀年。

這幾年想過買桃花應節，

惟即使小號的獨株桃花，打開也佔方圓兩呎之地，蝸居實難以安插。

近兩年，花市多了一些 “桃枝” 出售，十數枝紮成一把，售百元左右，

觀其形態，似乎頗合吾家喎 ~ 

於是買了兩把，另一盆水仙及兩枝(四頭)黃菊，年貨算是辦完了﹗ ;-)))

過中國年總是圖熱鬧的，家裏擺置些年花，確能增添喜氣 ;-)

 這盆水仙造型均勻，而且甚為合時，

至年初四怒放，依然朵朵鮮潤，未見凋殘﹗

  

 桃枝買回來時有不少細細粒青ＢＢ的花苞，心想：開不了吧 . . . . .

嘩﹗豈料陸續綻開，出乎意料 ~~~~~ 好~靚~，看花人亦心花放﹗

桃枝插來雖不及獨株桃花大體，然亦有小家碧玉的內歛婀娜 ;DDD