台中台南十日行 (一) ~ 起程

與台灣似乎緣薄，十年前去過台北，至今未曾踏足，

前兩年，已埋班待發，但一係遇上家人不適、一係自己出事，

今次在出發前真有點戰戰兢兢，好好保重，以免重蹈覆轍 . . . ;P

終於等到呢日啦，乘搭 晨早0740 的航班，摸黑搭巴士，

乘上暑假特別班次，0415由上水開出的 N42P . . .

 N42P

 是次四人同行，K、M、R 與我。

朋友不打算幫襯廉航的飛機餐，所以食飽至上機。

外遊的例牌照片

 

 到啦到啦 ^ ^

倒 C 有倒 C 的好處，十時許已搞好入境手續，到的士站上車。

旅程中遇到的計程車大佬，皆十分健談有禮，而且必會落車幫手搬行李。(讚)

風在前 . . . 無懼 ﹗

遊台十日，返歸即看了這套以單車競賽為主題的電影 ~ 破風。

這是近期喜愛的電影 (其實甚少看電影 ;P)

有評論認為劇本單薄欠張力，我卻覺得起承轉合十分流暢，

故事發展自然，並無刻意舖排的突兀，

人物描述精簡，但已可交待各位主角的出身、性格；

畫外音旁述場地特點、賽制、路況及天氣對車手的影響等， 正合我等不諳車賽的觀眾。

比賽場面緊張刺激，車手在各個賽道都要面對不同的挑戰，

鏡頭的調度、演員的演繹，加上低音敲擊配樂，

看得銀齡族人心跳卜卜、熱血沸騰 XDDD

在健將控 “健車” 之下，估不到爆發出的時速竟可達60~70公里，

衝線時甚至可達80公里，嚇得我 . . . @﹏@ ||

真讓觀眾投入車賽的速度和危險之中﹗

拍攝時，傷員不少，一名演員(陳家樂)甫開鏡即炒車，更跌斷鎖骨﹗

電影展示了多個公路單車賽的場景，過百單車齊發，彩衣繽紛，

高空俯鏡拍出隊形及賽道景色，真係型到爆 !!!

此外，亦有場地賽和麥迪遜賽的描述。
 

取景地點包括：台灣的高雄、花蓮、太魯閣；香港、上海、內蒙騰格里沙漠、

韓國斧山及意大利，

睇車賽兼賞風光 ;-)

片尾打出各地協拍車手的名單，有幾百之數，

他們亦是成就此片的 “輔攻手”，睇主角之外，也要留意下佢地啊﹗

以下圖片摘自互聯網

基本的專業單車，每架四、五萬 ~﹗

頭盔每個可達三、四千﹗

故事開始時，當破風手的主角：「風在前，無懼﹗」

故事尾聲，主角經過歷練之後：「取是能力，捨是境界﹗」

很喜歡這部電影，正面而溫暖，

訓練的艱苦、比賽的速度、衝線的迫力 . . . 

銀齡族人的青春熱血 . . . 返來咯 ~ \^;^/

《破風》宣傳片

《破風》製作特輯1~城市穿梭 

無題

檔口塵封逾月，遊台十日，尐相有排執，

擺幾張貓相上黎掃下塵，都係兩三個月前的舊照，

自從點點和英英隔離後，拍照的動力少了 . . . . .

兩隻嘢隔住房門都要吼叫和衝門，激Ｃ～～～

扲住唔俾阿緇郁，至影到相 ^ ^

老 Mi 眼神算精靈啩﹖佢而家一日食五、六餐，

谷肥唔使望，keep 住唔跌磅就得嘞。

吐露戰 “跡”

昨天與兩老表再踩吐露港公路 (大埔 >> 沙田 >>大埔)

高手 R 係鐵膽，另一位由美國回港度假，亦高手也﹗

兩位十分照顧低手老表，一前一後 ~ 開路、殿後 ^,^

可惜低手福薄，難承厚意 . . . . :-(

上回雖然休息多，踩得斷橛，上斜失敗，但平安走畢全程，

這次踩得連貫，途中只休息了三次，上斜都成功了，

然而 . . . 連趴兩次，嚇壞高手﹗

 望八仙、觀音

 幸好跌在平路，只是擦起了表皮，見血架，

藥水膠布都冇帶一塊，高手老表向路人徴得一膠布一酒精棉，

 暫時處理傷口，除了拇指，膝哥亦同時承受了第一趴﹗

好在戴了手套，否則手掌亦難免掛彩 . . . . .

今次比上次快了差不多一小時抵達沙田午膳，

都係幫襯上次的茶餐廳 ~ 牛筋腩撈米，腩鬆筋腍，好食。

回程踩到科學園(?) 附近，因要拐彎 (經過欄杆) 失控，

單車擦到欄杆，於是發生第二趴，跌得比第一趴重，

幾乎仆崩鼻，額頭添了一劃 . . . 膝哥再硬食一嘢 ~>.<~。

馬上沖傷口、冰敷 ( R 帶了一樽冰) ，

感覺傷在皮肉，未及筋骨，休息一會，繼續回程﹗

回家後，再冰敷、塗藥膏. . . . . 今朝起來已好好多嘞。

資質魯鈍，四肢協調差，下次必配備頭盔、手套、護膝與療傷藥品﹗

低手論盡，損了兩位老表的興致，深感抱歉 ﹗

剛建立起的丁點信心，一舖打殘 !!!

我諗要自習一段時間，才敢再邀約共踩咯 . . . . . :-(

無聊記食(一月~三月2015)

睇返尐舊相，回憶一下，原來咁有食神，可謂想食乜就食乜，何求﹖XDDD

事隔有一段日子，有些都忘了在何日、何處、為何而食 ;P

周末多到這店食 brunch ^ ^

周末的午餐 (在住區的一間日式麵店)

 行行下，貢咗入間迴轉壽司店 ~ 下午茶 ;P

 周末午餐

 午餐

某日的 late lunch (完全忘了那天(平日)為何在這裏午膳)

 趁快餐店未 “收爐”，食番一餐先。

幾十元套餐，有肉有菜有蝦有烏冬，食到飽，冇嘢好講咯 ;-)

 某日的晚餐 (尖沙咀某商場)

 做乜又有個下午茶嘅﹖

 午餐

佳文魚生店，至愛﹗

晚餐

 與細佬一家晚飯

 灣仔午餐

brunch

周末午餐 (住區的泰式餐廳)

 3月20日，與同事一年一度的聚餐，食得好滿意，、好飽﹗

 午餐

 朋友團購了二人葡國餐，價錢忘了，印象係幾低食，

豬手和馬介休炒飯唔錯，木糠布甸唔夠滑。

弟婦贈羊腩煲 ~ lam 脷 ﹗

自家炆牛(月展)，老抽用多了， 賣相蝕了，不過幾好味架 ^,^

牛肉好貴，唔會經常整咯﹗

自家製雜菜煲 ~ 好似打邊爐一鑊熟咁 XDDD

“即刻出動” ~ 城門水塘

朋友在 FB 成立了 “即刻出動” 群組，隨時召集，即刻出動 ~ 外影﹗

GOOD ~~~ (大力鼓掌)

可惜家務纒身，唔係話行就行 :-(

趁端午連假 (20~21/6)，主持人提早召集去東坪洲，

當然馬上做好安排 . . . 回應：去﹗

惟連假旺場，租不到床位，主持人改去城門水塘，

冇所謂，有得玩就得 XDDD

諗住早排連日大雨，應該得賞水浸白千層，

但出乎意料，水位不高，眾感不解 . . . . . 

於是談到水務署放水 . . . 東江買水 . . . . ﹗

當日非常好天，太陽亦猛

影咗一陣，冇乜景喎，於是大夥離塘搵食。

午飯後才二時左右，主持人覺得天氣甚好，日落應有睇頭，

但 . . . 又曬又熱，如何消磨幾粒鐘呢，我怕中暑架嘛，於是撤退歸家 ;P

主持人歸家小休之後再出動，拍得美麗的紅霞 ~ 勤力，係有回報嘅 ;-)

幾個月冇乜影相，乜都生疏晒，係時候要操練一下 ^ ^

６１８。８２８

政改表決之後，見到呢個投票結果 28(反對)：8(贊成)

有點一頭霧水，點解嘅 . . . . 

跟住睇返新聞，O晒嘴，完全係意料之外﹗

本來係激情(武打)劇黎架嘛：

場外兩派對壘、場內警察佈防，分分鐘硝煙再起，

點知最終變成 “笑聲救地球” 的鬧劇，

昨天由放工後睇住FB留言、二次創作，已經笑咗成晚、笑住黎瞓﹗

今日仲未止到笑，笑到氣咳。

真箇神推鬼賛，阿爺都算唔到﹗

出盡人力物力搞大龍鳳，最終變咗大頭佛，搞到盤數咁肉酸

出黎回應的，個個滿頭油汗，一臉惶恐 . . . . . 

 

笑得黎有尐眼濕濕添 . . . . . 

唉﹗笑埋今日，睇下台戲點唱落去啦 . . . . :-(