記食

飲茶﹗三人份係咪太多呢﹖

皆因上月預約了某天上午11:30 帶吾母到醫院檢查傷口，

提早十分鐘到達，與負責護士打個照面並打了招呼，

她曰：請稍等一會。便行開了。

一等 . . . . . 成粒鐘，詢之於另一姑娘，話佢去咗開會喎~~~~@_@

唉﹗再等 . . . . . . 一粒鐘. . . . . . 終於完成檢查並清洗傷口，

時惟下午 2 時左右，加上等車需時，到家已近三時，

乜都唔諗，祭五臟才是王道﹗

如此份量，三個人梗食唔完，打包 ~

屋企樓下酒樓，最近尐嘢似乎好食咗，可能換了廚師﹖

棗皇糕乃賣飛佛，但唔係日日供應；飽汁鳳爪、炸雲吞是必點的；

沙拉京都骨亦合胃口~~~食飽飽，氣亦消了﹗

區內某日式食肆，全日放題，經常高朋滿座。

 弟婦訂位，晚市放題，限時 2 小時，成人每位 $228，個半鐘平宜少少，

 弟婦慳家，揀了個半鐘的 ~ 

於是一輪衝鋒點餐，繼而風捲殘雲 . . . . . 其實食多半粒鐘會鬆動尐 ;P

 弊嘞 ~ 勾起對佳哥嘅想念添 XDDD

 

MiMi回家了

臭Mi，找阿定、大黃去玩吧~~~

“兩老”近況

兩隻 “老嘢” 正在頤養天年，加上要照顧老人家，

忙到甩轆兼反艇﹗

MiMi 自從2014年尾逃過大限以來，一直靠打針食藥聞氣調理，

早幾個月，眼睛亦開始不大靈光，

碰碰撞撞的，搵唔到路去廁所，我家地板遭殃矣﹗

 而家佢行到邊就瞓到邊，有時飲完水就 “long” 個頭喺水兜上，

唔敢放太滿的水，怕浸死佢呀﹗

現在不會在我回家時跑來跳上梳化親我了 . . . . . . .  :'(

 

小黑 “瘦身成功” ~ 由高峰期的 5.X kg 跌到 3.X kg ﹗

見獸醫，驗出又係腎病呀 ~>﹏<~。

要食腎糧，試咗幾款口味，都沒開胃口，

唯有遵醫囑，配了開胃藥俾佢，希望佢胃口好尐啦﹗

 

個樣尚算精神

 

最近，呢個係佢專兜， 瞓得安樂，冇貓騷擾也﹗

兩老都在十五、十六了，已達貓的平均年齡，

我與荷包都要做好準備 . . . . . 哎﹗荷包已虛脫而幾近休克，未知何時可補~~~

練習

好玩、有趣的課堂練習  ~;~

照片皆在課室拍攝，用不同的佈燈、濾鏡等做出各種效果。

先用手機拍攝，然後，以手機的編輯功能轉為黑白，

再用黑白照片轉 “負片” 而得到以下圖片。

(1)

 這張很簡單，單燈照明拍攝 (可直接拍黑白，這張係後製為黑白)

(2)

不同的佈光，得出變化多端的效果。

(3)

 

(4)

呢張係用三色濾鏡加多重曝光拍攝，一人不能成事，要兩位助手協助架 ;P

(5)

多得一位學友 . . . 不停咁 . . . 吹 XDDD

(6)

用咗三色燈照明

(7)

模擬商品拍攝

(8)

其實這些皆基本室內照明拍攝，在雜誌、書本、網絡已然看得爛熟，

但對於業餘 hea 攝如我者，

落手落腳的實習，感覺依然十分新鮮有趣。

初踩大美篤(2016/01/13)

大美篤，久仰其名 ~ 踩車、炒車 “勝地” ;P

有半日閒，相約高手Ｒ踩番一轉：由大埔入大美篤，

單車舖、食肆成行行市， 先祭五臟 . . .

 

首識大壩，平日冇乜人，有一班細路在上單車班，

低手遇上細路，打醒十二分精神 XDDD

由壩頭出力踩到壩尾，有少少作抽筋﹗ 

 

停低、拉筋、 大休、回程。

 低手裝備齊全 ~ 保命啊 ~

新會 (20160109~10) ~ 花絮

船廠之後，係蔗園和葵園。

咁大幅蔗田都係第一次見，仲有新鮮蔗咬﹗

 

即斬即食。細路時，見大人自己咬掉蔗皮的，好厲害的鋼牙﹗

而家梗係削皮之後咬啦，都驚崩牙架，好在唔係好實，亦好清甜 . . . . .

 

在蔗園影咗一輪相之後，都要幫襯下嘅 . . . 率之食唔哂，

我好努力咁食咗三支架啦~~~

 

再到葵園搞搞震

晚飯有巨型梳乎厘，記之。

翌日午飯，阿蛇好有心咁為兩位一月壽星買了蛋糕 . . . Happy Birthday to 同學﹗

兩天新會食、攝、玩又結束咯 ^;^

新會 (20160109~10) ~ 美的發現

展覽已在去年12月辦過了，但阿 sir 話要補堂俾我地喎，於是一月又一齊去新會玩兩日。

今次主要係想拍攝一些廢棄的地方，第一站來到這家拆船廠，人人拍個不亦樂乎，

之後所到的幾家船廠都有門衞，全不得其門而入﹗


大伙整個上午就在這裏 “尋寶” ﹗

在冷硬的鋼鐡堆中，似乎有精靈在靜待我們的發現。