近日刀光血影，回顧連串懸案，深恐喉頭漸緊，筆鋒趨緩，
觀乎未來幾年將格局大變，有另一番光景，
正向邪向﹖小民只能有得食時快樂食﹗
觀乎未來幾年將格局大變，有另一番光景，
正向邪向﹖小民只能有得食時快樂食﹗
酒店在過年後做推廣，三月壽星半價喎(只限星期一、二)，
通知細佬一家大吃大喝 ;P
這家酒店於我們交通便利，每次“自助”都選這裏，
當然也覺得食物與價錢都合意﹗
今期食物更合吾意，冷盤豐富，
巴馬火腿蜜瓜(私以為配哈蜜瓜更佳)、芝士、翡翠螺幾鮮味；
必食烟三文魚；是日生蠔唔錯，往時在酒店食生蠔都係兩隻止，試味也﹗
因為食味通常一般，但昨晚吃了四隻，幾好食，當然不能與蠔吧質素相比﹗
還有法國麵包蟹和加拿大蟹(忘了名字)，試了一些，很多膏，但不香。
甜品種類亦不少，食到尾，只能淺嚐數款 ;P
是晚食得幾滿意，是最有水準的一次﹗
各位冇份食都睇下啦 :DDD
除了果汁汽水咖啡茶之外，紅白酒任飲﹗^0^
酒店送三月壽星一個蛋糕，點食吖~，打包回家﹗
又食又拎，大滿足﹗
第一時間霸位... :-)
回覆刪除恨鐡不成鋼 ~ 化激氣為食量; 將筆鋒挑蠔拮三文魚來得實際喇！;-)
少見洋洋灑灑咁寫食, 望陸續有來...哈哈...
送的蛋糕畀拎走咁好? 係壽星半價還是成枱半價? :-DD
咁真係有排食 .V. .V. .V.﹗
刪除因為早到咗，趁冇乜人咪影多幾張環境相囉，既然食得開心，一路食一路影....都俾自己回味下吖 ;DDD
食就成日食咖嘞，但唔係次次記得，即使有相，又未必次次PO.....
係呀，話唔定佢地已KO之﹗
刪除梗係壽星至有半價啦，如約成枱三月壽星就抵晒嘞 ;P
我有機跟身就乜鬼都影(手提仍係用有枝天線嗰種...), 擺晒響度..., 諗住幾時睇番, 甚至到冇牙冇錢冇得食, 都可以睇餐飽嘅。
刪除食物好吸引！邊間自助餐呢？
回覆刪除城景國際(CityView)，油麻地消防局對面。下個月又有壽星，可能去多一轉 ;P 但唔知呢個推廣做到幾時。
刪除依家影食物相，有句說話叫供奉相機/手機之神，讓佢地食先wor
回覆刪除食物唔錯，在那裡？
睇情況，快快手影，不影響他人，咪“供奉”下囉 ;P 留番尐回味俾自己啫 ;P
刪除城景國際(CityView)，油麻地消防局對面。
好多嘢食，啲嘢都好正咁喎
回覆刪除好豐富，熱葷張枱冇影到，因為冚住晒，而我好少揀熱葷食 '-)
刪除