懷舊行

食完呢個麥記早餐就出發啦﹗

巴士直達九龍城碼頭

 仰望“豪宅”。

此地改變前，曾是老竇開工的地方﹗

細路時卜居於此，與兩三煤氣鼓為鄰，
居處西斜，加上周圍的機器開動，夏天燠熱難耐，而且多煤炭C，

但叫做住石屎樓，以當年環境來說，算 “安穩” 喇 ;D

不過老竇成日驚俾人炒魷，後來都申請了公屋，

而呢座建築，幾十年冇變，人事則翻了幾番咯﹗

以前個鼓黑麻麻，有兩三個圍住，好似怪獸咁，
又聽到大人話會爆炸架喎，有尐壓迫感架﹗

只有頂層(二樓)係宿舍，長廊式共20個住房，兩伙一廚，衞浴公用。

當年住長廊中間一房，大概係呢個位置啦 ;-)

呢個位當年有一個／兩個(?)鼓，而家大不同，

主要廠房遷往大埔了﹗

鐵門後一道樓梯直上二樓住家。

以前係冇掩雞籠，兩頭臨街都有一道冇鎖的鐵閘 . . . . .

記得除了我家一個銅盆給偷去，記憶中從未發生過罪案﹗

望向對面，白色圍板是白宮冰室，右邊有間士多，

夏天就到此買汽水啤酒，再向右行，有一條巷仔，

巷仔口係一檔上海食肆，每個星期放假時，一早就望住 . . . . .

佢個大鍋的生煎牛肉包，係咁吞口水，但冇幾可有得食 ;P'

行入尐有茶檔、飛髮檔 . . .
每日三點三，老竇同尐工友會在茶檔或白宮冰室來個 tea break ;-)

啡色舊樓和綠色商場之間就係嗰條巷仔喇。

土瓜灣十三街，真係冇變過，記得其中一街有一間士多，兼做麵包，

每天下午有出爐 “菠蘿方包”，即甜甜地的方包，比一般方包細尐，

鋪上類似菠蘿包的脆皮，印象中係好好好好食的 ~~~ ﹗

今次冇行過去逐條街睇下，來日再訪﹗

呢座工業大廈又係冇變﹗
阿媽曾在此攞衫回家剪線頭。

大熱天時，身水身汗，醫肚兼過冷河 ;-)

食飽再行一陣，返歸咯，好熱﹗^^"

一車車大叔大媽來購物，呢區的工廠大廈，多年前已經有好多門路架罅﹗