跨過生和死 . . . . . . .

長毛Mi 月來食多飲多卻消瘦不少，心知不妙，於是帶佢去體檢，豈料幾乎攞佢老命﹗

轉醫生兼與弟婦廿四小時照顧餵食餵藥，總算把老Mi搶回來 m( _ _ )m

照片是稍為好轉時拍的，最差時全身軟耷耷，瞳孔放大，水兜也不敢攞放，

因為佢會埋去望住兜水. . . . . 然後軟攤，頭枕水兜，深恐 1 cm 水都浸死佢﹗

 在我房休養，衫仔、暖墊、暖爐 . . . . . . 盡力而為，不敢再讓她住院﹗

 3/12 出事，照顧幾日已略有好轉，有力站立，

自己去飲水，水兜放高些少，兜內只放少少水，以免佢個頭 “舂” 落去﹗

在 MiMi最差的幾天，小黑圍住佢氹氹轉，抑或係因為張暖墊﹖

鼻塞，要聞氣，當日為小黑購置的聞氣機，用得著，冇嘥 >.<~。

MiMi 確診為腎病，藥物、補充劑一大堆，需食處方糧﹗

經此一役，元氣大傷，老命暫時檢回來了。

現在首要是令她多食多飲，讓身體強壯一點，

上星期六 (13/12) 覆診後，醫囑兩三個月後才覆診，

我想預購兩個月藥物，醫生話唔好配咁多，

萬一有乜事 (此話在整個覆診過程聽咗兩三次﹗)，怕泿費 . . . . . . .

言下之意 . . . . . . 有一日過一日 ﹖﹗