把握2016年最後一天，與友走一轉彌勒山，一行四人由東涌乘巴士抵昂坪。
走過大佛座下，先探心經簡林。
 |
| 早上遊客不多 |
簡林之鄰就係鳳凰觀日的起步點。
想當年曾由此登上鳳凰山觀日出，依稀記得在晚上九時左右起步，
行夜山，幕天蓆地，
可惜天不造美，敗興下山，落足兩三個小時，真箇腳都軟晒，差點抽筋。
當時唔識死跟人行，呢世人應該唔會有下次。
遊簡林之後行返出大路到彌勒山郊遊徑的起點，時已正午時份。
行一個大運，返回起點，心經簡林的另一面。
回到大佛座下約在五時左右。
 |
| 遊客不少，場面熱鬧 |
中學畢業當年也參與過一次有生以來唯一的 "壯舉", 是和同學由梅窩行上鳳凰山, 沿途紮營、煮食、拔營...。路遠負重, 其辛苦之情狀, 畢生難忘。終於捱到上昂平, 兵分兩路, 有些等半夜繼續上山睇日出, 有些跟一位同學落大澳到其棚屋祖居過夜, 我梗係選擇後者。個人唔多捱得辛苦, 當年已見端倪。哈哈。
回覆刪除匆匆半個世紀...
XD
當年的營具~帆布營幕、營棍、營釘、食具，幾廿磅重﹗如今輕便得多又平宜 (於是又製造垃圾了﹗)。梅窩起步，俾我都掉頭走 XDDD “鈶途紮營”~ 即係起碼三日兩夜﹖
刪除由昂坪上山還可以，記得當年係兜山路上山，所以上行的“辛苦”冇乜印象，下行就坡度較高，所以記得行到腳軟﹗
連埋落大澳在棚屋往了一晚, 總共過了難忘的三晚。
刪除當年還要勞動同學上門向父母說項, 方批准成行添架。番去都唔敢呻...XDDD
家教甚嚴啊﹗天下父母心.... 中學畢業咯喎，都咁緊...張 XDDD
刪除大槪自己在父母眼中, 形象素烚(XD), 且平時亦少有四圍蒲的 "歷練" 。畢業當年屋企似尚無電話(?), 一旦離家幾天, 驟失聯絡, 難以放心吧。相信要直至布帆無恙, 安全返歸, 父母才能放下心頭大石了。 斯時心中難免微有管束過嚴之 "腹怨" , 年紀大了, 倒能理解一二。 :P
刪除簡林好有氣勢
回覆刪除係呀﹗當日多遊客，如果人少尐，靜靜地咁邊行邊讀一遍心經，不失為寧靜思緒的“修行”XD
刪除