＂天鴿＂之夜

22/8 晚迎＂天鴿＂，用膠袋攝實窗隙以防入水，

勁風吹東北，我呢邊幸得靜局，但就試唔到窗門做防漏工程後的成效咯。

風靜 ~ 心亂﹗

晚飯時，驚見老媽軟耷耷失晒神，原來有尐發燒，

風，黎緊嘞，明天肯定冇醫生睇，心戚戚 .....

馬上讓她吃兩顆由醫院開的退燒藥，再看情況，

好在稍後精神好轉，否則又要入急症室，

睡前再服兩粒， 翌日就回復精神了，多服一天的藥，好彩掂咗﹗

是夜搞完老媽嗰瓣，赫然發現肥緇經常攤抖的窗邊有兩滴血水，

唔 係 嘛 ~~~，馬上檢查肥緇的 pat pat，

哎吔﹗做乜濕𣲷𣲷㗎，用紙巾印一印，真係血水啊，

我估係肛門腺發炎，為免佢再舐，馬上戴頭套。

風，黎緊啦，明天又冇醫生睇，囉囉攣 .....

翌日，風到，冇符 :(

卒之約了 25/8 見獸醫，佢都同意係肛門腺發炎，

服10日抗生素兼早晚洗傷口一次。

馬騮pat pat 大肥緇

 肥緇都好乖，餵藥洗傷口不算太難，

但不免要糾緾一番並忍受她的  鬼~ 叫  ﹗

食完藥喇，應該告一段落𦉌啩﹗

新成員~_~*

7月21日入室的新成員：紅耳龜 ~ 老媽執番黎...... ~_~"

當晚下班回家見佢在水桶內，驚問Ｊ姐，

佢話唔關佢事，grandma係要執架咋﹗

家中乜都冇，只好俾尐白飯、青菜佢啦，但唔食喎。

唔知係棄養定走失，睇落幾健康精靈，有少少驚青。

唔通丟番佢出街咩，唯有接手，查找資料並買龜糧、龜缸，

安置龜仔（依據資料觀察，其前肢爪長、排洩孔近尾尖，斷係 仔）。

 

 每日擺佢在窗邊曬太陽十幾分鐘，吸收維他命 D，

因為鈣不足的話，會軟殼的﹗

資料摘自 香港兩棲及爬行動物保育基金／香港兩棲及爬蟲協會
紅耳龜／巴西龜　Red-eared Slider
學名：Trachemys scripta elegans (Wied-Neuwied, 1839)
這龜種在1970年代被美國的龜農場大量繁殖，並輸出到世界各地作寵物，包括歐洲、亞洲、澳洲和非洲等地。
本種在人類的幫助下有很多方面也稱霸：牠們是遍佈全球最廣的龜種，同時也是被飼主遺棄數量最多的龜種，亦被列入為全球入侵物種的100位之內。
在香港，紅耳龜可以說是陪伴很多人成長，我們很容易就能看見這龜種，只要屋村、公園、商場內有水池，就有機會見到牠們的蹤影，當然，牠們並不是被大自然孕育出來，而是遭遺棄。本種雖然每年被大量繁殖，但很多時買入後數周或數月後便死亡，以現有的知識及技術，只要人們願意提供牠們一些基本需要，牠們是容易飼養的龜種。

網頁：
Hong Kong Society of Herpetology Foundation 香港兩棲及爬行動物保育基金／香港兩棲及爬蟲協會

緬甸行 (23/6 ~ 30/6/2017) － 人物

緬甸人對遊客都十分友善，不抗拒拍照，而且衣著色彩鮮艷，

不論渡輪、廟宇、市場，大家都拍個不亦樂乎﹗

 渡輪上

 火車站

 街市

 道旁

 廟宇

 

 色彩

 

 有不少石廠雕造佛像

 友善的學生

美女 ^^

她們都十分友善，只要打個招呼，大都會開心地讓我們拍照。

酒店的服務員。

阿sir邀請她當模特，示範人像拍攝。

 廟宇裏的賣花女孩。

據導遊說，之前有美國來的電視節目(?)攝制隊，

見到這小女孩並邀請協助拍攝；

其後他們有感於緬甸一些小孩欠缺受教育機會，

於是成立了基金捐助緬甸兒童教育經費。

不少遊客到此廟都會揾小女孩拍照和買花，

人靚，機會係多尐嘅 ﹗

街市