＂天鴿＂之夜

22/8 晚迎＂天鴿＂，用膠袋攝實窗隙以防入水，

勁風吹東北，我呢邊幸得靜局，但就試唔到窗門做防漏工程後的成效咯。

風靜 ~ 心亂﹗

晚飯時，驚見老媽軟耷耷失晒神，原來有尐發燒，

風，黎緊嘞，明天肯定冇醫生睇，心戚戚 .....

馬上讓她吃兩顆由醫院開的退燒藥，再看情況，

好在稍後精神好轉，否則又要入急症室，

睡前再服兩粒， 翌日就回復精神了，多服一天的藥，好彩掂咗﹗

是夜搞完老媽嗰瓣，赫然發現肥緇經常攤抖的窗邊有兩滴血水，

唔 係 嘛 ~~~，馬上檢查肥緇的 pat pat，

哎吔﹗做乜濕𣲷𣲷㗎，用紙巾印一印，真係血水啊，

我估係肛門腺發炎，為免佢再舐，馬上戴頭套。

風，黎緊啦，明天又冇醫生睇，囉囉攣 .....

翌日，風到，冇符 :(

卒之約了 25/8 見獸醫，佢都同意係肛門腺發炎，

服10日抗生素兼早晚洗傷口一次。

馬騮pat pat 大肥緇

 肥緇都好乖，餵藥洗傷口不算太難，

但不免要糾緾一番並忍受她的  鬼~ 叫  ﹗

食完藥喇，應該告一段落𦉌啩﹗