買貓糧的贈品，新嘢輪住試，除了阿活和素素兩隻驚青貓。
阿緇伏地吼住，今次斯文地 “排隊”，無吼貓趕貓喎 . . .
小黑、MiMi 識咗咁耐 . . . 都係唔會一齊玩。
玩咗一輪就收埋喇，冇地方擺啊﹗
2015年9月15日 星期二
登山／練車
“即刻出動” 群組召集，呢日（5/9 (六)）我得喎，去﹗
目的地係南丫島的菱角山，拍攝日落。
是日也，風和日麗，惠風和暢 ~~~
哎﹗伏已中，原來咁多石級 . . . PO文話明有石級，
只係我看山小也 ﹗
忘了自己體能弱雞，負重 . . .
抖下先 *﹏*
架機、扎馬、等待 . . .
大石不平兼風大，馬 . . . 不得不扎﹗ 明天還要練車啊 >﹏<。
鹹蛋黃不現
隱於雲後
來了曙暮暉 (雲隙光的一種)
暮色漸合，執嘢落山
船到中環已九時許，各自散去。
呢個群組係行動派，食嘢次要，
去的地方多無補給 (或曰美景不會在路邊) 要自備糧水，體力考驗也﹗
。。。。。。。。。。。。。。。。。。。。。。
前一天行咗半日， 這日第一次跟大隊練車，有尐緊張﹗
先來大合照 . . .
腳攰＋驚Ｃ，當然大落後﹗
教練跟了我一小段路：「你對腳係咁踩冇用咖，用力至得咖嘛 . . .」
唉，阿 sir ，腳軟呀﹗ 嗰日一落車幾乎企唔穩 . . .
本來擔心回程到單車舖還車時，要眾人等我 . . . 瘀爆呀﹗
點知佢地迷路，包尾的我 (一向係路盲) 亦不大認得路，
詢之路邊休息的單車哥，佢好好人，帶呢隻龜回程，
我反而最早到埗，YEAH ~~~ ^;^
隊友的記錄
(補記：是日練習，三人一組，輪住在前頭 “破風” ；
結果係：不成隊形，各有各踩 . . . XD )
2015年9月11日 星期五
台中台南十日行 (五) ~ 民宿巡禮 2：老五民宿(下)
“老五”的早餐算是台式吧，有自製各“色”饅頭、鮮果、青草沙律和五穀粥、南瓜米粥，
吃得飽飽而不感 heavy ;P
“老五” 全貌
民宿職員“大雄” 帶住客參觀附近的果園。
火龍果
百香果(熱情果)
看園貓 <3
開始集集火車線之旅。
首站當然係集集火車站啦，此站建於昭和八年(1933年)，屬全檜木建築；
在 1999 年的 921大地震時損毁，其後各方集資依原貌重建，
從此來客不絕，車站連附近老街遂成為著名景點。
出站約在十二時許，台中台南都不易揾食，
皆因食店不多，有的公休、有的很晚才開店，
我們遊走一圈，見不少“甕缸雞”食店，
又熱又曬，又找不到其他食肆，即管入去試下兼過冷河。
本來只求醫肚，不寄厚望，估不到遇上好雞，皮薄脆無脂而肉滑，正﹗
左邊的是竹筒飯，飯少而無特別，之後再黎四個靚仔 XDDD
食飽就在附近租單車漫遊這個小鎮，稍試行前練車的成績。
我們都走單車徑，進入老街就要走馬路啦，
幸好車少而慢，低手總算平安而回 ;-)
九二一大地震紀念館 (在寺後)
下一站：車埕
有最美麗車站雅稱的「車埕火車站」位在明潭壩下方的車埕村內，是「集集小火車懷舊之旅」的集集線最終點站，整條集集支線建設於1919年，自彰化的「二 水」到南投的「車埕」，全長29.8公里。在921大地震的時候「車埕車站」曾經受到嚴重的損毀，目前的車站是後來重新整修的，修建的過程大多以原木為材 料，除了在建築主體上利用原木將車站重新包裝，就連車站前的廣場空地也是以原木下去舖設的。. . . . .
. . . . . 「車埕」從日據時期時就是伐木加工業的重鎮，但隨著伐木業興盛時期的遠去，政府開始觀光造林改為發展觀光業，集集支線也同時變成火車旅遊的主要動線，「車埕火車站」也因為伐木業遺留下的木工加工場與設施，成為集集線上重要的景點與地標。
站後就是小鎮老街，行人稀少，店舖十有九沒有營業，
加上陰天微雨，街道更形冷清。
難道營業者都因為天氣差而休店﹖
路上遇見的小貓 (看牠的臭臉啊)：拍甚麼啊拍~~，這裏喵說了算﹗
時近傍晚，霪雨不斷，入咖啡店拜託職員電召的士 (這兩天我們僱的司機)，
台中台南的人情味都濃，因為我們沒購當地電話卡，
不時要隨街或入店或在檔口託人打電話叫車，
遇上的都很好人，不厭其煩地幫忙，十分感激 ﹗
相信這亦是近年港人都喜歡到台灣旅遊的原因之一。
我們回 “老五” 時，剛開始了晚飯約15分鐘，
職員“大雄” 急迎，話擔心我們出了甚麼事呢 ;-)
呢個肥仔幾可愛，佢話有個香港女友喎，一年去香港幾次，
但同佢吹水時，卻總覺得佢可能被耍了﹗:-(
住在鄉郊，昆蟲少不了 . . . 房間、廊中，
夜麻麻冇細藝，拎住部機仔四圍 “獵影” 。
呢隻四腳仔，胃口都好大喎，睇咗一輪，舉到手震，兩皆不動，我動 . . . 訪周公去。
第二朝見到蛾(?)姐(唔認得係咪同一隻)仲喺度，四腳仔可能挨餓了。
訂閱：
意見 (Atom)