2013日本中部之旅(後篇)~白川鄉、立山黑部(十)

傍晚返回池袋，入住 Sakura Hostel，

今次就真係上下格床嘞，大都市乜都貴，我地冇得揀，

而且此店近車站，方便出入。

食晚飯

我地唔係蒲精，呢尐燈紅酒綠，我地都冇乜地方好去，

百貨公司八九點就打烊，只能早尐返旅館，睇電視兼參詳一下明天去邊度hea。　

11月6日的早餐，玩埋今日，明天就返歸咯。

 

在旅遊書上點指兵兵，先黎呢間東京藝術劇場行下...

在場內騰上騰落，拍下照咁....

 

在小賣店門口見到呢張大海報，印上各式秋葉和名稱，

本想買張留念下，誰知要港幣過千元，哈，拍張照片算咯﹗

接著踱了(抑或搭地鐵﹖)去一條商店街(七井橫丁)，都是售賣一些特式衣物、家品的小店，

呢間“貢”下，嗰間摷下，如此這般又消磨了一個上午..... 

街上有唔少餐廳，這間店(the Passion)的門面幾合眼緣，就入去解決這頓午餐吧﹗

隨心而行，往往出人意表﹗

估唔道尐嘢幾好食噃，有自製麵包，頭盤(水晶肉、芝士南瓜、豆魚、沙律菜)尤其好味，

最後除了咖啡，仲有一杯花茶，清一清口腔 ^^ 而且超抵食，才1100yen ﹗

食飽就踱步去井之頭公園，冇乜特別，在於順路;DDD

 

~“遙望~青山...綠水美如畫....”~

諗起好耐以前的南生圍。

跟住就去公園附近的三鷹之森美術館，

可惜正在維修，閉館至十二月.....

 

 

好在圍牆低矮，入唔到去，就在外圍兜個圈。

見到牆內庭院的建築佈置都幾有趣.....

兜轉一輪，又到夕照時分......