無聊記食

見網友頻鋪食照，由星馬食到楓葉國，

無聊都要記下自己最近食過乜

M記早餐。經常排長龍，呢日去見“白袍老友”，

有時間於是幫趁下醫館樓下的M記。

芝士烟肉牛角包+Mocha，焗熱之後，香口幾好食，

當然好食嘅嘢係“毒藥”﹗

某日到上環辦理換領回鄉證，搞掂後時維下午茶時段，

又坐低食個Tea，此店咖啡較濃和苦，不太合口味﹗

某商場新開一間韓國餐廳，於是入去試下(晚飯)，

菜單簡單，全是飯麵，當然少不了正流行的炸雞啤酒，

偏好石頭鍋飯，店裏所有食物都跟六款前菜；

比起同一商場的食肆，此店入座率偏低，

價錢中上，而食物單調，似乎難受喜歡一店多樣的港人青睞。

 呢間“簡單生活”就在公司附近的商場，

某晚OT之後路過，見不用排隊，又入去食番餐啦，

幫襯過幾次喇，唔使排隊至入去。

麵包好好食，湯也認真做，夠香濃，

套餐飲品定了冰茶或汽水，我通常要茶走冰 ，

綠茶溝了橙汁和青檸汁，幾好味的。

此店乃中等價錢而有中上食物，所以經常排長龍咖。

鱈魚上的是鯷魚醬，味道鹹鮮，配淡口的魚很好﹗

 現在的晚餐都盡量少肉，所以多數食魚，

家居附近(其實要行十幾分鐘或乘巴士)商場的餐廳，

晚餐略貴，要百多元一客，價錢與食物有落差，所以晚上人少；

午餐抵好多，五十元上下不加一。

弟婦上星期六買了一條大“石班”，幾好食，肉滑皮爽，正﹗

記之.....