無題

都算係難得一見的場面，獨孤小黑罕有黐貓，

有貓埋身就走開，呢日佢同素素貼身瞓，

佢先伏，素素後上， 佢都唔走喎，

而且，當時唔凍，仲有尐熱添 ;P

好姊妹﹖

第三齡運動會

上星期六 (15/11) 出動做義工。

社區中心搞了一個 “第三齡運動會”，召集義工幫手，

首見“第三齡”這個詞，上網查下，見有第三齡大學，俾退休人士學下嘢，

在香港都有廿年歷史咯喎﹗

雖然係社區活動，但規格做到足。

除啦啦隊外，有進場式、開幕表演(舞蹈、跆拳道、八段錦等)，都由長者擔綱。

重點推介“方形踏步”，可協調腦和四肢。

 比賽時，每名參賽者起碼有一名青年義工傍住和提示 ;-)

抛接豆袋

 

雙人賽講合作

 

頒獎台

比賽分兩組：耆青組(50-69歲)、長青組(70歲以上)

不過，我奇怪69點同50比﹖即使55對65都有距離啦. . . . . .

anyway，友誼第一，比賽第二﹗

然準耆英由上午11時至下午4時企下跑下追下咁影相，

午膳時間食咗個豬柳漢堡，坐咗十零分鐘咋，

都算老當益壯咯 ;DDD

睇見各位“哥哥” “姐姐”，就像見到自己的未來，能不感懷﹗

美景佳餚秋日行

上星期日 (9/11) 四友本來擬定行山，但連續幾天陰雨，深恐路滑，

轉軚行平路：南涌 >> 鹿頸 >> 谷埔，

去到谷埔，怎能不光顧松記﹖

當日天色稍開，得見淺藍天空 (鼓掌)

美景先飽眼福

天清水靜，拍倒影的好時機

 殘荷係歷久常新的題材 ;-)

 到鹿頸已差不多下午一時，有少少餓，因為到松記仍要行一小時左右兼有石級上落，

遂先到開心茶座食件多士打打底，順便打電話問下松記仲有冇嘢食 ;P

沒來一段時日，對面沙頭角尐樓又高咗、多咗﹗

 松記在望，坐低時已兩點幾嘞。

電話訂了半隻雞和魚肚羮。坐低後，老闆話不如要尐蝦啦、魷魚啦、蒸條魚 . . . . . . 

我地咪話：好好好~~~咯，竟忘了問價錢﹗

呢半隻雞麻麻地，似乎不及從前，下次略之。

記得幾年前食過一次魚肚羮，念念不忘，今次麻麻地。

上次食的係魚肚碎(細切?)，配以海味，雖然都係下欄嘢，

但湯羮十分濃鮮，當日食到人人豎姆指﹗

呢日的魚肚大大塊，變了湯，食味就不同了，期望太大，有點失望﹗

尚幸其他由老闆推介的就十分滿意 ，下次都係要 “Omakase” 嘞  ;D

白灼蝦六兩，鮮甜。

  白灼魷魚，剛熟，嫰滑，佐以青芥辣豉油，lam lam 脷﹗

老闆推薦嘅“涼瓜炒苦瓜”，新鮮爽脆。

 蜆肉肥厚味鮮，合時之選。

 老闆話係野釣(魚立)魚，手掌大小，12兩，正﹗

朋友見到鄰桌有尐類似鴨的東西，詢之老闆，佢話係客家醋鴨，

我地只係問下，驚食唔晒，但佢頭也不回， 馬上幫我地落單 . . . . . . .

而呢半隻鴨係我們當日的至愛 ﹗﹗﹗

肉嫰皮薄無脂，佐以特製的醒胃醋汁，好好食，喜出望外，難忘﹗

 老闆效洋廚，攞住杯紅酒，逐枱打牙骹吹水，

好風騷咁話，做星期六、日，其餘五日去玩喎，

每星期都係使完錢就返黎搵錢﹗

四個人食到好飽兼好滿意，共銀752﹗

每碟餸都就返人頭，唔會太多，所以我地食咗 . . . . . . 七款 ;P

澱粉質就免咯 ;DDD  老闆有 “LAU” 我地飲酒，

食到鬼咁開心，本來想飲番一杯，

但佢話要一支喎，呵呵，咁就免嘞﹗

食飽都差不多四點，原路回鹿頸

如果陽光燦爛，就“金”嘞。

久違幾年，這些村屋依然完好。

若在日照之下，這個小草坡會很美﹗

 

永遠喜氣洋洋的簕杜鵑。

由此前行就是鹿頸開心茶座的小巴站，帶著美味回憶踏上歸程。

大澳漁村地質秘境(下)

這天，我們適逢其會，遇上一年一度(每年的十一月某日)的水上婚禮表演。

(由下午一時三十分至五時)

碼頭附近，村民都忙於佈置，真有點喜氣洋洋的氣氛 ;-)

大澳漁村地質秘境(上)

朋友通知，有生態旅遊公司舉辦“大澳漁村的地質秘境”團半日遊，每位百元，

除了吃喝、攝影等活動，對大澳的歷史、地質實在無甚認識，趁機知一下皮毛都好吖﹗

這導賞團其實由漁農自然護理署主辦，大澳漁民近岸作業協會承辦。

由東涌碼頭乘小船往大澳，船程約25分鐘，途經中華白海豚的生境，

可惜我們只能見到很多大大小小的工程船. . . . . . . . . :'-(

抵埗

首先，由大澳居民賴先生講解漁民的作業工具

泥鯭籠

這個 . . . . . 忘了 ;P

撒網示範

來真的了 ;D

打水 (講解時我們行開了，所以又唔知做乜)

示範使用泥鯭籠之際，我們又行開咗，睇唔到過程 ;P

搖櫓示範。

阿叔都笑逐顏開，傳統技術有人欣賞啊﹗

收網

解魚

漁穫

馬蹄蟹 (鱟)。形似馬蹄，但 不是 蟹 ， 而 是 蜘 蛛 和 蝎 子 的 親 屬；
馬 蹄 蟹 出 現 在 地 球 上 已 超 過 3 億 年 了 ， 起 源 比 恐 龍 還 要 早 ﹗
根 據 化 石 的 記 錄 ， 馬 蹄 蟹 的 基 本 體 形 在 過 去 數 百 萬 年 沒 有 多 大 的 改 變 ，
因 而 常 稱 為 " 活 化 石 "  。

>>漁護署資料<<

通常作為酒樓的“知客”

“吉慶街” ~ 所餘無幾的Ｔ形路牌

興建中的新棚屋，我們都覺得是“豪宅” ;D

導遊展示百多年來棚屋的變遷

最早期的棚屋，已廢置。

百家布窗簾，有趣 ;-)

新基大橋由村民集資興建，於1979年落成，建築費十多萬；

而在1996年啟用，取代橫水渡的大澳涌橋，造價過千萬元﹗

水鄉生活