追隨“老馬”先到羅湖城商場的江樺小館(?)午膳，此店食物不俗，“老馬”每次都點的水晶雞好有雞味，自磨豆腐最得我歡心，一路食路話下次黎過﹗埋單每位人仔三十幾
飯後打算直踩福田，但鄉里出城，幾乎“葬身”羅湖城，搞成個鐘至大包小包才抽身而退。
福田區算企理寧靜，今次目標係家品店，這個商場分兩座，A座係較高檔的店舖，有現代型格的，有歐洲古典的；B座則較大眾化，由於晚餐訂了枱，時間緊迫，只能走馬看花，若稍作勾留，肯定荷包不爽﹗
行到咁上下，又思飲思食，貢入呢間cafe豪一下。
此店係售賣家私精品，有兩三張枱可以坐下，供應咖啡果汁、沙拉、三文治等輕食。
有少少連卡佛 feel
這份下午茶盛惠人仔68.-
