午閒

午後散步，觀花觀鳥觀流水 ;-)

文化漫步～鐃宗頤文化館

上星期日(23/2)本來有活動，但臨時唔去 :P

既已與菲姐調假，點都要往外走一轉。

朋友提議不如一訪饒宗頤文化館啦，久聞其名，未識盧山，

於是上網搵資料、睇地圖(因為係方向盲，點都要睇下地圖，好讓心中有個譜)﹗

在美孚站步行十分鐘即到，沿路很多指示，連我都摸到去﹗

無題

早一星期持續寒冷，各貓都會搵“好地方”瞓覺，

家母之床乃熱點之一，佢一起身馬上有貓進佔；

素素孖阿活瞓埋一堆，阿活真係百搭咖，

只要唔fee佢，同哪隻埋堆都無所謂﹗

新春賞相

這陣子天氣寒冷，人唔願郁，腦漿都“擎”埋 ;P

地盤荒廢多日，儲埋的相、事都要清倉出貨咯﹗

新正頭，影友搞照片分享會，朋友叫埋我，

有得睇，有得食，何樂不為﹖

出席者廿多人，聚會係包場形式，

包場的咖啡店在太子站附近，交通方便，是很不錯的聚腳點，

當晚散band時，店堂仍然高朋滿座，仲有人等位添架。

塱原。李花。甲午。春

昨天大年初四，三代親友四圍枱飲茶大團拜，

一年一會，互祝安康兼派利市，

第三代快高長大，街上遇到也不知誰是誰....

暫時二代(唔係富嗰種喎)仍是中堅，

二代“表”之後，將來三代會唔會嘴藐藐呢﹖

飲飽食醉兼吹完水，就到塱原睇李花嘞。

那裏大多是菜田，也有稻米，兩株李樹立於田間阡陌，

可以近距離欣賞拍攝，遊人不多，拍友三五，

但見幾位手執重炮，全副裝備十萬有餘，十分專業認真﹗

圍著李樹一輪團團轉，周圍睇下，消磿兩小時，

臨走時向農夫買了一大個魚翅瓜和三大棵很粗的芥蘭，賣者話好食喎﹗

即管試下﹗

照片全用小DC拍攝，在PhotoShop裁剪，並略為調校了對比度和飽和度。

 

七福迎春

雖謂迎春，何解隻隻都有神冇氣咁嘅﹖

咪因為姐姐放假，班主被困家中，佢地似乎有同感....囉 :-(

過年時總想睇返套賀歲港產片醒下神，雖然係好胡鬧，但人總要搵時間低Ｂ下嘛 :D

開年日睇咗套日本片“清須會議”，講爭奪政權的波譎雲詭，要用腦嘅；

假期後才可抽時間睇胡鬧港產片，心目中想睇的是“賭場風雲”，

想再睇下港產片中的周潤發，始終覺得發哥演港片最有神采﹗;P