~ 敬賀春禧 ~
姐姐突因家事要回鄉，於是我的假期泡湯，例假又冇咗幾天喇，呢個年要做阿四 ﹗
她在年卅下午起程，假期就由呢日始 .....
把握半天時間，置辦些少全盒小食，年花當然不能少，
每年都幫襯屋企附近的小型花市，
因為趕時間，午飯後匆匆行了一轉，
可能由於年來天氣不佳，各種年花都不算出色，
素來欣賞日本海棠姿態優美，今年就選她吧，
另買了兩小盤的水仙，年，就係咁過喇﹗
祝各位
~ 龍馬精神 ~事事如意 ~
2017年1月16日 星期一
彌勒山郊遊徑 (31/12/2016) ~ 阿彌陀佛
這路線好幾年前曾經一遊，但印象十分糊模，
是次重遊，可謂飽覽雲山佛相。
出世睨天下
入世覽眾生
🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞
安營立寨候新暉
這些營帳立於公廁之前，方便是方便了 ..... 但我們在傍晚幫襯時，已有廁格遭沾污﹗
附近並非指定營地，衞生設施有限，霎時要大量“接貨”，恐怕營友.....
照得金輝聞夜香~咯 XDDD
2017年1月10日 星期二
2017年1月7日 星期六
彌勒山郊遊徑 (31/12/2016) ~ 心經簡林
把握2016年最後一天，與友走一轉彌勒山，一行四人由東涌乘巴士抵昂坪。
走過大佛座下，先探心經簡林。
 |
| 早上遊客不多 |
簡林之鄰就係鳳凰觀日的起步點。
想當年曾由此登上鳳凰山觀日出，依稀記得在晚上九時左右起步，
行夜山，幕天蓆地，
可惜天不造美，敗興下山，落足兩三個小時，真箇腳都軟晒，差點抽筋。
當時唔識死跟人行，呢世人應該唔會有下次。
遊簡林之後行返出大路到彌勒山郊遊徑的起點，時已正午時份。
行一個大運，返回起點，心經簡林的另一面。
回到大佛座下約在五時左右。
 |
| 遊客不少，場面熱鬧 |
2017年1月4日 星期三
烏蛟騰>谷埔>鹿頸(26/12/2016)
年尾多假期，不免要搵節目，行山係最經濟實惠、有益身心的活動，
多行無妨 😀
烏蛟騰>谷埔>鹿頸呢條線好行又有好嘢食，行完再行三行.....﹗
由大埔墟站乘小巴抵烏蛟騰。
行到呢度，一見紅葉就興奮，入去“貢”下...
就係呢幾棵啦 ~~~
人在林中
係咁 影。影。影。😄😄😄
影完紅葉就繼續行程
遙望印洲塘
 |
| 印洲塘 |
行下hea下，到谷埔時已過午。
 |
| 對岸繁華 |
肚餓都忍住，先影蘆葦 ~
到松記坐低，已在午後二時許，我們拍蘆葦時的滿場食客，陸續離開，
與老闆謦開，佢話當日三十枱訂位，六十枱散客，
做到甩轆，或許...因此.... 漏咗我地單啊 😔
等了成粒鐘，人多踢腳，唔敢催，
多得有員工睇住我地， 主動入廚房跟單 .....
好在知道漏單後都快速上菜。
但當日的食物就令我地有尐失望，上次覺得好好食的客家醋鴨，
今次唔同咗樣，似滷水鵝，佐醋亦有點“揦”喉，
清炒涼瓜和炒椰菜亦較之前食的略為油膩，是換了廚房嗎﹖
食完已四點幾，起步向鹿頸，
松記亦時近打烊，工作人員可以落場歎啤了。
沿路的攤檔皆生意興隆
見乜影乜
抵鹿頸小巴(往粉嶺站)站 ，預了假日人多，但未見過如斯陣容 .....
一路等一路睇雀，不知誰家鸚鵡，唔見戴有腳鍊，俾人圍都好淡定...
依稀見到腳脛有金屬環...
 |
| 藍黃金剛鸚鵡 Bule-and-Yellow Macaw (Ara ararauna) |
由於太多人等車，估計起碼要等上成粒鐘，
年輕力壯之輩 😆😆😆 決定行出沙頭角公路(步程約45min)轉乘巴士到粉嶺站。
邊行邊數住小巴出入 ~ 決定正確 👍👍👍
訂閱：
文章 (Atom)