4/10 晚抵高松的晚餐。
卸下行李後，在住宿附近的街道巡遊一輪，有不少 “居酒屋”，
其內大多係下班的白領吹水淺酌，似不合旅人飽腹之需，
最終就幫襯咗呢間，定食又飯又麵，十分填肚，但食味一般，
所以後來回高松都不再幫襯了。
翌日遊住宿附近的玉藻公園，午後大雨，
午餐亦就近解決 ~ 讚歧烏冬乃名物，周圍都係相關店舖。
是日晚餐 ~ 鯛魚定食，汁煮魚頭，平時係唔會食魚頭的，
餐名無 “頭” ，想當然係魚身 . . . . . ，濃甜醬汁，下飯甚好， OK 啦。
在高松兩天的早餐。
好好享受，往後就唔係咁易搵食喇﹗
6/11 由高松乘搭 10：45 的高速船往直島 (本村)，
我們在直島住兩晚，由於藝術祭，住宿較緊張，
兩晚入住兩間民宿，幸好都在隔鄰，不算頻撲。
第一晚的 Guest House “路地與燈” 只供住宿，
另一家 “cafe 一步” 有住有食 (住宿不包餐)，
老闆娘擅烹飪，可惜只營業至下午四時。
在直島的兩天，早、午餐皆在此解決﹗
 |
| cafe 一步 |
 |
“CAFE 一步” 老闆娘的早、午餐都很美味，自製麵包甚正。 | |
是日晚飯就依書尋覓 ~ 玄米心食
2005 年開店，主打自然健康的料理，
餐牌只提供兩款定食選擇，主食都是有味飯，
簡單清淡，我們都喜歡﹗
7/10 到直島的 “博物館區” (Benesse House Museum、李禹煥美術館、地中美術館) 參觀，
此區食肆從缺，幸好在地中美術館內有一家咖啡店，
唯有在此解決 late lunch，
可惜只有包點、咖啡等，想吃意粉填肚而不得 ;P
此店取價與外頭的差不多，並無因獨市而提價 “掠水”，
面對瀨戶內海的風光啖包嚐啡，也很不錯吧﹗
當日晚飯在 NaoPam，一家由倉庫改建的食肆，由武藏野美術大學的
“稻草 art team” 負責完成。
外觀型格，以為店內擺設型格兼服務員是型男型女，
入內才發現是傳統日式食肆，服務的都是大叔大嬸，
即使高朋滿座，十分忙碌時，待客依然親切有禮。
鹽燒鯛魚定食，滿意的一頓飯，但我們要趕巴士回本村，未能慢食，抱歉﹗
8/10 中午由豐島往犬島，因為未知犬島“食況” 如何，
上船前在豐島碼頭附近食午餐，每人一兜咖喱飯 XD
這是一家地道的店，很多工人大叔幫襯。
犬島係很細的島，據說島民 20，勾留半天，晚回豐島，
住南國民宿，不供餐飲，於是又要四出搵食喇。
各島的食肆皆收早，我們六時許入到這家店，原來收七點，
差點摸門釘，呢個餐係最後架啦，冇得揀﹗
翌日早餐於 “金榮丸”， 日式店名，但有型女主理的西式早餐 ;-)
由於口味習慣，在日本甚少點日式早餐，因為 . . . 總要有 ~ 啡 XD
8 ~ 11/10 係日本的連休日，所以島上遊人特多而食肆卻少，
午間時分，幾間食肆或滿座拒客或排長龍，
正在惆悵，路過士多，瞥見有人在食麵喎，有救 ;P
於是入去買了兩兜即食炒麵，看店的歐巴桑提供熱水，
邊食邊謦 ~ 日語通與歐巴桑，呢個午餐好簡便咁解決咗嘞 XDDD
9/10 豐島回高松宿一宵於高松 Terminal Hotel ，
是夜往商店街晚膳，有尐要排隊，有尐唔啱心水，
卒之入咗呢間冇客嘅，包場夠靜局，觀其裝修，係老舖，
一人一定食 ~ 主食茄子蝦、炒牛肉，不特別出色，亦不算差，點解冇客嘅﹖
翌日，高松Terminal Hotel 的早餐 (800 yen 一份)，咁至似樣嘛 ^;^
10/10 乘10：55由高松開出的大船往小豆島，船程約一小時，
我們將在小豆島宿兩宵。
午膳於小豆島的 KOMAME 食堂，也是依書而至，此店有不錯的食評，
加上周圍冇其他食肆，局等﹗排隊攞籌 (整理券)，
我地要兩點半憑籌再到店排隊等候安排入座。
此店由昭和時期的舊精米所改造而成，門口留有谷類工業組合的木廣告牌，
亦保存了許多昔日的昭和風格的古物。
在附近逛了個多小時後，按時回店，終於埋位﹗
兩人都點了素麵定食，餐後買了兩個剛出爐的鬆餅，以備不時之需 XD
這店客如輪轉，店員忙得不可開交，個個快手快腳但心平氣和，待客以禮，
店員間無叱喝之聲，客人亦靜心等候，依時依序入座，
日本就有這種讓旅客安心舒坦的魅力﹗
晚飯時候，行咗幾條街，見到幾個食事招牌而店卻關了，
回到住宿的土庒酒店附近，詢之某商店阿伯，得佢指點，
終於搵到一間餐廳，而且營業至晚上十時，正﹗
於是兩天的晚餐都在此解決，不用蒲７仔。
翌日 (11/10) 的早餐，昨晚在７仔買的麵包和咖啡。
兩個在 KOMAME 食堂的鬆餅好好食﹗
雖時已十月，但近午時分，天氣仍然炎熱，
雪糕店就隱身在展場之間，導賞資料有意﹖無意﹖把我們帶到這裏，
參觀展覽亦要照顧味蕾，食下、抖下﹗
午餐 (小豆島)
我鍾意食日式漢堡扒，但呢件 (左) 麻麻地。
是日晚餐
12/10 早餐兼後備糧食，餐後往橄欖公園。
12：24 大船回高松轉乘 13：25的快船往男木島。
回高松的大船可載汽車，乘客不多，空位任坐。
船程一小時而正值午膳時間，在 “豪華” 大船幫襯小食部，
即食烏冬兩碗及日式墨魚丸十粒。
14：40 抵男木島，SAKURA 民宿 check in。
民宿包早、晚餐 (估計此島冇乜食肆) ，18：30開餐。
民宿有老闆娘打理係 “幸福” 尐嘅，起碼有餐好食﹗
翌日(13/11) SAKURA 民宿早餐
 |
| 凍食一早擺置妥當，客人坐下，即上熱食。 |
日式朝食，啡茶任飲。
早餐豐盛，這天充滿能量﹗ XDDD
13：00 往女木島，先在碼頭旁的攤檔醫肚。
17：20 作別女木島乘船回高松。
當晚再往商店街，一嚐名物 “骨付鳥” ;P
之前在高松曾想光顧，但見人龍，於是作罷，
是夜無需排隊，可馬上入座，甚好﹗
幾乎所有旅遊指南都介紹這味 “骨付鳥” ~ 其實係連骨的雞脾，
調味應有一些辛味調料，微辣，略鹹，很好下飯，係個人未曾嚐過的味道，
算是新口味，然未至於有 “唔食走寶” 之嘆﹗
14/10
久仰讚歧手打烏冬，早幾天已致電報名參加 “見學”。
導師是一位很活潑生鬼的女士，佢一邊講一邊同我地一齊做，
學員只有我們兩個瞀里 XD
由最初倒鹽水開粉、搓麵團、杆麵直至成品，
讓我們體驗了做手打烏冬的整個過程，十分好玩﹗
導師話，如在假日，會有團體 “見學”，人多很忙，
沒時間這樣謦欬溝通呢。
完成後，導師為我們煮烏冬，有冷食和熱食，
於是我們要 “自作自受” 吃了三碗，雖然不算大碗，但都好飽啊 ;P
食落都幾烟靱彈牙架﹗
食完呢個午餐就完成旅程，乘巴士往機場咯。
都係光顧住宿的高松 Terminal Hotel 的餐廳，費事周圍搵。
十一天旅程的食事就此完結，
這些日子，心靈的得著比肚腸更豐盛﹗
