坪洲 ~ 久別重遊

離開小島已八年有餘，是日(26/2/2017) 跟隨地質探索團隊 ~ 香港戶外生態教育協會重臨。

曾經每天出入的中環坪洲碼頭，小咖啡店仍然 “健在”。

集合

 當日天氣清涼，頗大風，人人笠帽緊衣﹗

 

 

沿小島海岸，邊行邊睇.....

 

 

大興土木 ~ 近碼頭

東灣

 

半日遊之後，影張大合照，散班﹗

隊友都趕船出香港，我當然留下來 “懷舊” 啦 ;)

先醫肚，這家越南小店仲喺度喎﹗

發現新景點，這是坪洲 “秘密花園” 的入口 ;P

o

o

o

大腦(19/2/2017)

年假困家十天之後，好友邀約 “抖氣”。

大腦位於西貢黃牛山以南。其村落雖已荒廢，惟連接村落的磴道及一台製糖用的石磨仍保存完好。遊人仍可由麥理浩徑第四段的小徑或界咸前往。

~ 路線 ~

蠔涌>>界咸>>大腦>>大腦上洋>>石芽背>>黃泥頭

資料摘自 > OASISTREK <

在彩虹站乘92號巴士至蠔涌下車。

首先睇下亞視廠址，如夠膽潛入，應該有不少拍攝 “廢墟” 的題材 ;p

沿途都是石磴古道，由於樹蔭茂密，石磴滿是青苔，

如在夏日會非常濕滑，但有溪水流淌亦是另一風景。 

 

 

觀石牆

 

 穿破屋

   

遇上大腦村的村民祭祖，阿叔跟我們談古村歷史。 

百年製糖石磨，木構件已遺失。

  是日天陰，色彩不現

 呢堆“草”像幅抽象畫

還有零星的吊鐘。

這段路坡道不大，甚合冇氣冇力之輩，

行完仲有時間嘆下午茶， 不似上次大東山之行，臨尾要碌落山..... XDDD

此段不難行，但行得不甚暢順，全程要用行山杖，

困擾了兩個月的髋關節疼痛要正視了，

係時候檢查維修啦﹗😑

雜碎

某天搭巴士上班遇上阿蛾 .....

團拜席上的 “萬有引力” XDDD

搵佳哥開年並遇兩位政壇元老 ;-)

某夜當爐之際，瞥見燒天，馬上棄鑊鏟而執手機 XDDD

新玩具~小型印相機，可印4R照片，質素不俗。

 

總令人心曠神怡的藍天白雲

同事製作給我的盆景，在office養得奄奄一息，取回家給姐姐救活了﹗(鼓掌)

南乳炆齋 ~ 今年煮了兩鑊，合自己口味 ~good~

68元的日本蜜瓜，多汁甚甜，好食﹗

近況

好耐冇po貓相啦，又係時候講下佢地~

呢尐相係上個月影架啦，剛剛又係凍凍地，

暖墊暖爐又黎嘞﹗

素素一係捐家母的被竇 .....

 

..... 一係匿梳化後面，係佢地盤。

 

 小黑在暖爐面前特別放鬆，十分享受。

黑貓報春

仲有大黃，佢去年8月已經返咗黎啦，

而家至醒起俾佢亮相 ^^

雞年(丁酉)伊始

~ 敬賀春禧 ~

姐姐突因家事要回鄉，於是我的假期泡湯，例假又冇咗幾天喇，呢個年要做阿四 ﹗

 她在年卅下午起程，假期就由呢日始 .....

把握半天時間，置辦些少全盒小食，年花當然不能少，

每年都幫襯屋企附近的小型花市，

因為趕時間，午飯後匆匆行了一轉，

可能由於年來天氣不佳，各種年花都不算出色，

素來欣賞日本海棠姿態優美，今年就選她吧，

另買了兩小盤的水仙，年，就係咁過喇﹗

 祝各位

~ 龍馬精神 ~事事如意 ~

彌勒山郊遊徑 (31/12/2016) ~ 阿彌陀佛

這路線好幾年前曾經一遊，但印象十分糊模，

是次重遊，可謂飽覽雲山佛相。

出世睨天下

 入世覽眾生

🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞 🌞

安營立寨候新暉

這些營帳立於公廁之前，方便是方便了 ..... 但我們在傍晚幫襯時，已有廁格遭沾污﹗

附近並非指定營地，衞生設施有限，霎時要大量“接貨”，恐怕營友.....

照得金輝聞夜香~咯 XDDD