６１８。８２８

政改表決之後，見到呢個投票結果 28(反對)：8(贊成)

有點一頭霧水，點解嘅 . . . . 

跟住睇返新聞，O晒嘴，完全係意料之外﹗

本來係激情(武打)劇黎架嘛：

場外兩派對壘、場內警察佈防，分分鐘硝煙再起，

點知最終變成 “笑聲救地球” 的鬧劇，

昨天由放工後睇住FB留言、二次創作，已經笑咗成晚、笑住黎瞓﹗

今日仲未止到笑，笑到氣咳。

真箇神推鬼賛，阿爺都算唔到﹗

出盡人力物力搞大龍鳳，最終變咗大頭佛，搞到盤數咁肉酸

出黎回應的，個個滿頭油汗，一臉惶恐 . . . . . 

 

笑得黎有尐眼濕濕添 . . . . . 

唉﹗笑埋今日，睇下台戲點唱落去啦 . . . . :-(