阿 sir 每年都帶學生去連州睇攝影年展，亦順道尋找拍攝題材，影下相。
去年 (2015年) 終於可以跟埋去，重要的是希望拍得可以展出的照片。
(提要：2015年12月25日及26日尖沙咀文化中心的光與影之“凝”攝影展)
甫到埗進午膳後，馬上往參觀瑤族的耍歌堂。
這是連州瑤族的新年，各村村民都傾巢而出，大舉慶祝。
處身於咁多小數民族之中，心想：民族服飾、面貌、慶典活動等已被拍攝過無數遍，
於是心口掛著相機，腦袋卻一片空白，實在唔知影乜好 . . . . .
見佢地人手起碼一機，或自拍、或互拍、或篤芒 . . . . . 與城市人無異，
於是以此為主題，拍了一些“電話”相，展出的閉翳才得以紓緩 ;)
交了一批相俾阿sir 揀，佢都話幾有趣，並選了四張作展出，
至此才放下心頭大石，唔使開天窗啊﹗
展出的照片
城市人之中都係睇一個個咋... XDDD
回覆刪除彼邦風氣有別?抑或兄誓不低頭?
刪除呢邊即使中年以上人士,亦經常邊行邊篤,跟佢後面真係不耐煩㗎...
彼邦風氣有別?抑或兄誓不低頭?
刪除呢邊即使中年以上人士,亦經常邊行邊篤,跟佢後面真係不耐煩㗎...
呢邊的風氣都差不多, 係自己的問題。XD
刪除主要係覺得目前用不著乜滯 ~ 平時大部分時間都喺屋企, 有電話和電腦相信要用到的已經夠用(?)。明白人手一機大家可以用WHATSAPP免費傳送MESSAGE, 方便快捷, 以前雙英都冇, 有乜嘢要人打電話來, 對方可能覺得唔夠方便。現在大人有部雞雞地的, 佢有差不多即我有...。哈
另一方面, 係呢邊買部機(正牌又比較用得下)覺得都唔平, 或者等幾時尐機在性能和價錢方面, 平衡到自己滿意, 就會整部未定(我諗香港易搵尐? ;-)); 又或者幾時身邊出現一部仍然用得而啱用的棄機, 就人棄我取。到時或者考慮連屋企的固網電話都取消埋。
不過對於用手機輸入, 真係有尐抗拒, 尐鍵太細, 成日撳錯隔離。我連用部細手提電腦打嘢都覺得唔就手的哩。 XD
whatsapp唔係用得咁多，朋友少嘛 ;)
刪除多數上FB、睇報紙。FB得幾十個朋友，自己少上近況，都係睇下人地嘅 like 同分享。
我也不慣用電話打字，成日撳過隔離，所以卜的回應有時會等返工時用notebook才做 . . . . . 家腦已回魂無望，筆電已有七、八年歷史，正考慮買15吋mac book pro，方便拎出街請教PS之道 ;P 影相，無辦法離開PhotoShop。