試鏡 (下)

今次冇專家帶領，乜鳥都影咗至算，回家查圖鑑去 ~ ;P

紅耳鵯 Red-whiskered Bulbul（鵯科 Bulbuls）(常見)

呢隻好易認，因為真係成日見到，是香港數目眾多的留鳥。

在啄食高山榕的果實

牠們在公園內周圍巡飛，所以無論遠近，一見就影，

按兩下快門，佢又飛走嘞。

下面兩張估計是黑臉噪鶥 Masked Laughing-thrush 又稱七姊妹；
屬畫眉科 Babblers，常見，是香港數目眾多的留鳥。

~網上資料~

特徵：
全長約30厘米，身體大致為褐色，有黑臉罩，臀部黃褐色。

常聚集大約七隻成嘈吵的小群，出現於叢林下，發出響亮而刺耳的叫聲。

分佈：
留鳥，常見於郊外的叢林下及市區的大型公園。

習性：
常以小群形式於叢林下和地面活動，尋找昆蟲和果實為食物。

黑領椋鳥 Black-collared Starling (全年常見)，
屬椋鳥科 (椋鳥和八哥) Starlings and Mynas；
是香港數目眾多並增加中的留鳥 (逐步進駐市區)。

呢兩隻嘢在樹上係咁叫，企定唔走，我又企定定係咁影 ;P
據圖鑑描述其鳴聲：響亮愉快的＂chee-we-chee  chee-we-chee＂ 笛聲。

這隻應是喜鵲 Common Magpie（鴉科 Crows）常見留鳥。

常聞喜鵲之名，見真身而不知﹗

呢隻似乎都係黑領椋鳥：眼部周圍皮膚黃色、明顯黑色領帶

雖然都是一些十分常見的留鳥，但一手一腳尋找、拍攝、查圖鑑、認識，

倒是一個十分愉悅而滋味的過程，感覺很享受和滿足啊 ^0^

Um ~ 鍛練臂力也很重要喔 ;P