昨天大年初四，三代親友四圍枱飲茶大團拜，
一年一會，互祝安康兼派利市，
第三代快高長大，街上遇到也不知誰是誰....
暫時二代(唔係富嗰種喎)仍是中堅，
二代“表”之後，將來三代會唔會嘴藐藐呢﹖
飲飽食醉兼吹完水，就到塱原睇李花嘞。
那裏大多是菜田，也有稻米，兩株李樹立於田間阡陌，
可以近距離欣賞拍攝，遊人不多，拍友三五，
但見幾位手執重炮，全副裝備十萬有餘，十分專業認真﹗
圍著李樹一輪團團轉，周圍睇下，消磿兩小時，
臨走時向農夫買了一大個魚翅瓜和三大棵很粗的芥蘭，賣者話好食喎﹗
即管試下﹗
照片全用小DC拍攝，在PhotoShop裁剪，並略為調校了對比度和飽和度。
呢張為了突出勤勞小蜜蜂，作了大幅裁剪 ;P
親戚平時若少來往, 一代、兩代之後難免會愈嚟愈 "疏離" ~ 後生嗰輩有時只係知道有個咁嘅親戚...。
回覆刪除可能自己性格偏執的關係, 兄弟姊妹中都有尐親厚尐, 有尐......。
李花色白花細(一定白色?), 幾高潔咁, 又生得茂密, 開得一叢叢, 幾有睇頭。
親兄弟姊妹都要講性格夾唔夾，否則講兩句就...... .V.
刪除二代之中都分兩批，大尐和細尐，咁上下年紀的會經常相聚，佢地的子女亦會熟稔尐，而我地排頭位呢尐，雖同是二代目，但與後來者亦有代溝咯，每年見面都係打聲招呼，講兩句恭喜咋﹗不過都幾高興嘅 ;-)
我地睇過的李花都係白色的，所謂桃紅李白，是耶﹖據探子回報，早一星期更繁盛，昨天已凋落不少矣﹗
“親兄弟姊妹都要講性格夾唔夾”，講得啱
刪除BIll爸家也是年初一大團拜，我也不敢去，太多人 ：P
回覆刪除哈﹗又係筵開數席﹖團拜總好過挨門逐戶去......;P
刪除李樹的確美，清新脫俗！妳真勤力，我尐相唔知要幾時先致擺上blog！
回覆刪除哈﹗你仲勤力啦，頻頻出動擸影﹗擺唔擺上網，隨緣囉，有乜所謂吖﹗
刪除李花開得好靚呀！祝花開富貴！
回覆刪除早一星期仲靚呀﹗
刪除大家都健康發財^^
李花清香又秀麗, 我都好喜歡佢GA....
回覆刪除要影得滿意，真係要好花時間和心機，嗰日都係用機仔，隨意影下咋﹗
刪除花開得好靚......
回覆刪除係呀﹗多謝來訪;-)
刪除