轉移目標

你睇衰仔點的古惑樣，以為佢放過素素，從此一家貓和和睦睦啦，

點知佢轉移目標，呢排追打英英，搞到大喊英鬼殺咁嘈，激C ~~~

最慘係有時半夜至黎開片，冇辦法，困房 ﹗﹗﹗

困細房，佢會抓門，好嘈；點點鍾情廚房，喺裏面佢會安靜，

唯有糧水、砂盆侍候，臨瞓時俾廚房做佢套房啦，咪都冇辦法 ;-(

衰仔，唔好撩事鬥非得唔得呀，隻隻貓見到你都走投呀﹗

 平時少上架的英英，這陣都經常逗留架上，

呢個制高點，感覺安全尐啩 ﹗

看這眼神，點點就在下方 . . . . .