小黑近況

小黑：救命﹗叉頸呀~~~~

班主：咪呱呱嘈啦，同你影相就周圍擰，要hold住至影到架嘛~~~

精神番啦，體重回升少少 (病時由5.x kg減至4.x kg)，都好，當減肥 ;P

 由三、四月第一次見醫生起，鼻炎困擾小黑已幾個月啦，未計睇醫生前的日子 ......

都怪自己想搏佢自癒，結果搞到小黑無端受苦數月，

而自己個荷包更因小失大，動脈割斷，噴血 。~> <~。

幸好轉睇 Dr Jaime 之後，做了另一輪血、尿等的檢驗，

排除了其他致病的可能，

對症下藥治鼻炎，食藥、聞藥雙管齊下，

幾日後已見成效，連續用藥一個月，現在鼻仔靚番、精神番(鼓掌!!!)

 藥已食完，聞氣繼續，遵醫囑由每日一次(最初三日係一日三次、兩次)，

到隔日一次，如無流鼻水復發跡象，可隔兩天一次，類推遞減。

當初 Dr Jaime 話小黑情況嚴重，說不定要一世聞藥......

嚇得我吖~ 聞一次藥要成五十元架嘛 =;="

而且成日用藥，對貓也是壓力﹗

現在到時到候，小黑見到我就急急腳搵碇匿架啦 :-(

就現在睇情況來說，應該有斷“氣”嘅一日，小黑，努力呀﹗

瞓都瞓得安樂咗，佢安樂我更安樂 ^^

哇~~~荷包養傷中 ~~~!!!