英德連南三月行 之 連南(三)

今日目的地係油嶺，5蚊巴士到站，然後步行上老排，

睇瑤族的排屋，但仍然天陰細雨大霧，視野甚差。

到站要交“水費”，村內無公廁，於是借人店內廁所方便。

影下人地個廚房



如果天氣好的話，景色應該很好



一路向上，諗住去“老排”



我地心中冇譜，一路行一路問人要幾耐才到，

每次的答覆都是：還有半個小時 . . . . . o_O*

亦有村民提議我地行山路捷徑 . . . . .


. . . . . 遇到呢位阿姐，佢話山路難行，叫我地行番出車路，

本地人都話難行，港嬋點敢逞強  .



路上景色，始終煙雨迷濛。



 行極都未見眉目，見有車過，即截啦，

村民冇所謂，反正順路，上到山頂太大霧了，乜都睇唔到，

係咁意兜咗一圈，落山有排行喎，

一聽到引擎開動聲，馬上撲去攔車走人，哈﹗又係上黎嗰架車喎，

司機仲俾咗張卡片我地，原來係村委委員，幹部黎嘅。

落到山，剛錯過了11:30的往南崗的公車，下一班要13:30，又冇雞車，

咁.....又貢咗去人地村委個辦公樓搵廁所，

方便完之後 (個廁所，唉 ~~ 好難搵地方落腳呀 @__@!!! ) 有個後生仔走黎同我地打招呼，

佢話在山頂已經見到我地，奇怪點解咁快落到山，於是大家謦起來 . . . . .

佢係村委主任喎，呢日係佢地條村(油嶺村)的村委選舉日，

我地問有冇車去南崗(千年瑤寨)，佢話可以車我地去，又誠邀我地食午飯，

然後車咗我地去佢舅父屋企，咁，我地就食咗一餐正宗嘅農家飯嘞，

仲飲咗少少自釀米酒添 . . . .  ;P

呢個場面，喺香港，係咪會有人依嘩鬼叫呢 ;P

開飯啦 ~~~

簡單飯餸，濃濃鄉情

瑤族人的姓名

問過村委主任，佢解釋過，有尐唔記得嘞，

其中唐老師吊的“老師”表示呢位人兄的尊翁係老師；

名字後面的“十斤”、“八斤”係佢出世時的體重喎 . . . . .