。
。
。
食飽繼續行程。
很漂亮的汽球，大人都被吸引，在這個 “銷金窩”，
總不能見一樣買一樣，小鬼亦要知行止﹗
飯前已用入場券扲機攞籌，所以排了一陣隊已入場，
坐車遊 Winnie the Pooh 的場景 (忘了個場叫乜名)
場邊指示，見到1, 2, 3 要笑~，因為影相呀，
到出口就已備妥照片檔案，揀相，
當時只顧自己拍照，沒為意影 “官方相”， 效果不理想，
一張百多元喎，梗唔要啦﹗
場邊指示，見到1, 2, 3 要笑~，因為影相呀，
到出口就已備妥照片檔案，揀相，
當時只顧自己拍照，沒為意影 “官方相”， 效果不理想，
一張百多元喎，梗唔要啦﹗
話咁快又玩完嘞﹗
之後睇咗一套 3D卡通：米奇歷險，細路睇得手舞足蹈，十分興奮，
散場唔走，睇多一次﹗
每個遊樂場出口必經一間精品店，父母要“揞”住荷包嘞 ;D
小子搶住玩遊戲攞貼紙襟章
河流歷險，要坐船嘅，沿岸有河馬、鱷魚、大象等，都造得十分逼真。
有食人族添喎 ;D
放水又放火之後結束 “歷險”
跟住乘“木笩”去泰山屋
泰山屋
尐動物十分像真架，有晒毛孔毛髮皺紋
靚妹唔捨得走﹖
玩咗一日，要走喇，886 ~
靚妹已經要抱住瞓，難為了阿媽 . . . . .
下次下午入場，睇埋放煙花 ;-)
高消費場所，一家幾口，入場費加餐費，二千元唔少得 (滴汗)；
今次陪細路玩，跟住佢地轉，做隨團攝影師，
如果只係大人去的話，會係點玩法呢﹖
假設兩園都免費入場, 而只能揀一個去, 我就揀公園。兩個都免費, 當然就去埋都不妨。 :P
回覆刪除公園啱阿公多尐, 樂園就啱兒童睇多尐的...
公園長者系免費架！
刪除謝謝...。 :-)
刪除奈何身在番邦, 公園免費入場我都要等機會呢...;-)
“樂園”有優惠俾helper，我家菲姐講我至知，憑 ID 買一送一，佢舊年去過啦﹗
刪除嘩﹗到時搭兩蚊車就去到“公園”玩，正呀，等緊 ;DDD
HELPER...入場使唔使驗明(ID)正身? 送嗰張有冇乜條件限制?
刪除哈, 到你等到嗰時可能兩蚊車費都唔使, 免晒咯; 而公園就可能還有碗豆腐花送添(叉燒飯未必個個有牙食 :-D) ...
我想等多樣 ~ 機票200蚊..., 即返。 哈哈...
條件應該係兩個都係 helper 囉 ;-) 我家阿 J 想約同鄉再去，但各有家累，未有人同佢去第二次。
刪除到時或者在特定日子，有乜乜辦事處／社團免費專車包午餐添﹗得閒要留意下屋企大堂的通告。
...特定日子、免費專車包餐...若果想你識做 ~ 遲尐會唔會還有杯正咖啡歎? 應該唔使上身, 但要畀料..:P
刪除高消費呢
回覆刪除所以叫“銷金窩”囉 ;-) 特別版(即只限樂園有售) 的雪條，30大元﹗不過係幾好食，在又熱又攰之時，加上環境 “催情” ;P，除非仙到唔仙啫，否則都會破費架嘞 ;DDD
刪除我的外國親戚，買套票入場費連住宿一晚，帶早餐也是3千幾，看來也不算貴了，
回覆刪除咁樣的套票係有尐優惠嘅，樂園全年票(一年任玩) 都平唔少架，呢尐要有孩家庭至會考慮嘞。
刪除我去玩果次熱到阿媽都唔認得，全程都係飲嘢多，都有買嘢，真係幾貴下。
回覆刪除幸好都玩咗唔少機動遊戲 :p
“公園”和“樂園”都係好天曬落雨淋，熱起上黎，帶得幾多水﹖都要俾佢“打荷包”架喇。
刪除如果樣樣排一粒鐘，都唔玩到幾多，又攰，呢尐都係啱中小學生玩，太細又頂唔順，扭計﹗
唔係好多機動遊戲玩咩！？可能妳的侄女細個，大人也許玩呢尐囉！
回覆刪除侄女太細(粒)，有高度要求的不達標，玩唔到啊﹗
刪除