近月，每朝梳化都有一篤尿，搞到日日洗坐墊，
為免麻煩，後來在墊上鋪報紙，於是朝朝換報紙。
起初唔知哪隻的好事，瞥見點點扒報紙，
埋去睇睇，O~ 有篤尿，以為係佢放低，疑中留情，始終未親眼見佢疴~﹗
某朝，見到嘞 . . . 素素蹲在梳化報紙上 . . . 撒尿，點點在旁睥住佢，
搵到 “真兇”，唔知原因，要諗下辦法解決嘞 ;-(
環境冇改變過，又冇新貓，而且素素到家一年以來都相安無事，為何有呢個突變﹖
諗起最近素素多數匿埋，少有出來走動，有時佢見到點點會縮矮仔，
有時兩方相遇，ENG~~ 一輪就打起黎，懷疑素素可能因害怕而不敢上廁所。
唉 ~ ﹗
先做試驗，睇下佢是否討厭個廁所：
一起身就清理砂盆，然後把素素關入廁所， 睇下佢疴唔疴 . . .
佢入去聞一陣，好快大小一齊搞掂，GOOD~，這就好辦了﹗
現在每日早午晚都先清理砂盆，然後捉素素入廁所，次次都有貨交喎 ;-)
唯有就咁做住先，希望遲尐會矯正過來啦。
觀察所見，問題應出在她和點點的關係，衰仔點好鍾意在廁所門口伏貓﹗
其實多數時候佢地係冇嘢架喎，即使撞口撞面，兩隻嘢行開就算，
有時點點坐在椅上，素素在地下抬頭呆望佢添。
但有時素素見到點點，會好似感應到尐嘢咁，縮晒矮仔急急腳走開，匿埋；
而點點會來真的 ~ 打她，搞到鬼殺咁嘈﹗
各行各路咪幾好 ~
你見我唔到，我見你唔到，咁咪和平囉 ;P
用了 “定時上廁法” 之後，這幾天素素似乎多了出來走動、攤抖 ;-)
咁咪幾好，你地唔好搞咁多嘢啦﹗
點點蝦素素，唔得咁o架
回覆刪除衰點和肥緇成日(目及)住素素，搞到佢不太出黎蒲 ~ 激C~
刪除咁又真系幾頭痕，加多個廁所得得?
回覆刪除據觀察，素素唔係嫌棄貓廁，而係怕咗衰點和肥緇，因為佢地會伏素素架，我見過素素如廁後，想出黎，但肥緇坐在門口睥住佢，但又冇郁手喎，咁素素又坐番喺洗手間門邊唔出黎，在我抱走肥緇後，素素就出黎嘞，你話係佢地咪作死吖﹗>w<"
刪除要幫佢著尿片
刪除金生，佢唔係失禁喎.... @w@|
刪除素素前排唔係成日追住點點架咩....乜家陣搞成咁
回覆刪除呢兩隻嘢關係微妙，而家加埋肥緇，激C ~
刪除哎呀，同我家叮噹被’蝦‘一模一樣，兩個細佬妹成日捕住佢’辦公‘，搞到大佬唔開心，仲病埋 T_T:
回覆刪除E+情形同妳差不多，經常同叮噹講，我幫你看住佢地，唔俾佢地搞你... 情況有d好轉la；兩隻嘢話極都唔聽，激屎 .\ /.
衰鬼Lulu同點點ge眼神... >w<
你話係咪激C吖﹖頭都大﹗
刪除女版點點和男版LuLu，如果佢地見面，會有咩事發生呢﹖
專“吼”素素辦公時就伏佢，邊有咁衰架，肥緇最近似乎睇素素唔順眼，會打佢，所以搞到素素匿埋囉，而家“定時上廁法”ok，就係咁做住先啦，哎吔，兩隻衰嘢~~~﹗
好彩搵到撒尿的原兇，解決了，所謂神台貓屎，真係神憎鬼厭bor！ :)))))
回覆刪除用咗“定時上廁法”之後，素素冇再喺梳化瀨尿喇。但衰仔點同阿緇都係要喺廁所門口伏佢，所以每次素素去完廁所，要幫佢開路，佢至敢出黎架﹗
刪除