食事雜記

每次到葵涌(生態協會)聽課時，都會幫襯呢間餃子店，

事緣並非地頭，雖然茶餐廳麵店不缺，但稍欠新意。

路過見此店，也算是連鎖店吧，因在其他區都見過。

反正未試過，即管試下，

一份餃子加一杯豆漿，份量剛好，不太飽。

試過幾款餃子 ~ 

韓式辣味餃子，少少辣，佐以黑醋溝豆瓣醬， 最 like ;-)

現在每次聽課前都在此解決晚餐。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

某天的下午茶

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

某周末，到鴨記配腳架的小掛勾，在西九龍中心食個晏喇。

呢間算係“新店”，因為上次 (忘了幾時 lu) 未見此店，裝修幾啱心水，於是入去坐下。

但食物麻麻，餐牌見“紅飯”，以為係紅米做的飯，點知係撈咗茄汁的飯，

濕濕的，不合胃口，應該止於呢次﹗

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

家居附近(步程10分鐘左右) 的大街市，一間平價的“意大利”餐廳，

由廿多元的小食至五十多元的扒類，冷熱飲品任飲，所以都幾多人幫襯架﹗

呢日行過， 唔使等位喎，入﹗

以價錢比較，算係咁啦，食得過嘅。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

到上環領回續期的回鄉證，離開時在附近見到呢間餐廳，

由於離午膳時間尚早，馬上有位，於是坐低啦 ;-)

誤打誤撞，這裏的食物頗有水準，

南瓜甘筍湯香濃細滑，西冷也好，跟菜沙律和一杯鮮炸薯條，

薯條佐以酸忌廉，幾好食喎，清之﹗

由於近日少食咁大舊肉，加埋薯條，吃得撐了 ;P

甜品係野莓芝士餅，酸酸地，解膩 . . . good ~

呢個餐不包括餐飲。

順便呻一句：回鄉證張相，阿嬸變阿叔  >w<~。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

周末午餐

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

每月一轉~煤氣飯堂，主菜要了蒸魚，唔錯﹗

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

朋友的伊朗手信：伊朗茶，茶味有點似紅茶，配以棒棒糖，別有風味 ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

迴轉壽司，OT的慰勞 :DDD

呢間水準算唔錯，為了解饞，間中幫襯，

“佳哥”係好，但太貴了，好耐至食一次 ;P

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

公司附近的商場開了一間麵館，主打泰越麵食，

走的是新式 fusion 路線，食過兩次，都頗對胃口，成為OT之後的另一選擇﹗




鮮茄牛肉麵，用了牛(月展)，好腍，烤魷魚，醬汁帶甜，很對胃口，

不設套餐，小食加主食，送一杯飲品。




又OT，再光顧 ~

酸辣蜆撈麵、泰式蝦沙律，都係甜酸加少少辣，啱我 ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

某天，沒帶午膳，本想買飯盒，落街踱踱下，

行過呢間店，問下，有位喎，咁咪坐低囉 ;P

此店開業起碼十年八年，但因外觀高檔，往往過門不入。


有午市套餐供應，點了一款素餐，一湯兩餸，可要粥、飯或饅頭，

還有甜品蛋白杏仁茶。

價錢中上，偶一為之可以 ;P





其外賣套餐抵好多，每天三款，52元一客，一飯一餸，也有湯和糖水。

但似乎有限量，那天購買時，只餘一款，冇得揀﹗