四月觀鳥遇三鶲 (上)

4月13日又去米埔，再次觀鳥 ;-)

今次沒帶腳架，因為上次經驗，實在又累又論盡﹗

一機一天涯鏡，希望可靈活走位，聽多尐睇多尐。

當然，由於鏡頭焦距所限，以下照片都經過大幅剪裁，

否則網友看著照片，肯定有 “唔講唔知喎” 之嘆 ;DDD

珠頸斑鳩 Spotted-necked Dove 是香港常見的鳩鴿科 (Dove) 鳥類。

在等候辦事處開門時，在停車場攝得。

《香港及華南鳥類》

《台灣野鳥圖鑑》(陸鳥篇)

如記憶無誤，呢隻係灰喜鵲  ;-)

也是在停車場等候時拍攝。

這隻唔知係乜鳥，見光線幾靚，都擺上來啦。

中午時分，約一時許，我們先遇上三翁 ~ 三位觀鳥前輩，

其中一位係前天文台台長林超英先生。

三位前輩高興地告訴我們，有“鶲”呀 . . . . . 鶲科(屬林鳥)的鳥，香港罕見啊﹗

以我的“資歷”，當然拾下拾下，不明所以 ;P

魂遊之際，一輪快門聲此起彼落，同行者已拍得第一款鶲 ~  

黃眉姬鶲 Narcissus Flycatcher

回過神來，佢已無影無踪嘞﹗

唯有拍下隊友的相機顯示屏，做個紀錄啦﹗

呢隻係紫壽(綬)帶 Japanese Paradise Flycatcher，有些雄鳥已長出了長長的繁殖羽。

導師 Samson 話，呢種鳥不易見到，就算遇上，也未必見到長出繁殖羽的，

佢都係第二次見咋，我們十分幸運呢﹗(鼓掌) ! (鼓掌) ! (鼓掌) !

十幾支鏡頭向著同一方向，但我睇極都睇唔到，

睇到嘞，又影唔到，這鳥顏色深，而且在林間不停來回穿梭 . . . . 只恨平時疏於練習﹗

以下照片係隨隊導師 Joe 用我的相機替我拍下來的 . .  . . (汗顏) ;P

很美的鳥 <3

呢隻白腹藍姬鶲 Blue and White Flycatcher，當時未聞未見，

在生態協會 FB 抄下來的。

隱身觀鳥屋中，觀察泥灘的鳥

  

雖然主題係觀鳥攝鳥，見到池塘有咁靚嘅睡蓮，

即使時間緊迫，都要影番幾張記錄照。

筆管榕上的榕果，榕小蜂在其內交配產卵，

當時有榕小蜂在樹上，但實在太微小，影唔到﹗

假蘋婆

鵝掌柴 (七至八塊複葉)